Atrás

530 alumnos d'Avilés van participar nes XIV Xuntes Escolinos y Escolines

530 alumnos d'Avilés van participar nes XIV Xuntes Escolinos y Escolines

El miércoles 3 de mayu, a les 10:30 hores, nel Auditoriu del Centru Niemeyer

Esti miércoles 3 de mayu, a partir de les 10.30 hores, el Auditoriu del Centru Niemeyer va acoyer a los 530 neños, neñes y mocedá que van participar nes XIV Xuntes d'Escolines y Escolinos d'Avilés. Al igual que la XXXVIII Selmana de les Lletres, esti alcuentru ente l'alumnáu d'asturianu d'Avilés va centrase na lliteratura fecha por muyeres. Too esto col lema de "Lletres, femenín plural".

Montse Machicado, de la Estaya de la Llingua, y Yolanda Alonso, conceyala de Cultura. Montse Machicado, de la Estaya de la Llingua, y Yolanda Alonso, conceyala de Cultura.

Los centros participantes nes XIV Xuntes d'Escolinos y Escolines d'Avilés son los que vienen darréu:

  • Primaria de los niveles 4u, 5u y 6u
    • Versalles
    • Villalegre
    • La Carriona-Miranda
    • Enrique Alonso
    • Apolinar García Hevia
    • Llaranes
    • Santo Tomás
    • Salesianos
    • San Nicolás de Bari
    • Principáu
    • CRA Castrillón-Illas (participen de forma particular)

 

  • IES: Secundaria y Bachilleratu
  • La Madalena
  • Nu 5
  • Menéndez Pidal
  • La Xungarosa

Los escolinos y escolines preparen llibremente lo que quieran (actuaciones musicales, teatrales, llectures...) col tema d'esti añu. Los centros de Primaria lleven trabayando nos meses de marzu y abril talleres pa desenvolver el tema y nel Centru Niemeyer van poner en comuña lo que se preparó. Too coordinao pola compañía de teatru Nun Tris, que'l Conceyu d'Avilés afaya a maestros y maestres pa preparar les Xuntes.

Los centros de Secundaria y Bachilleratu participen col mesmu tema nun concursu nel que puen presentar trabayos d'investigación, power point, audiovisuales... El fallu del xuráu va ser el día 5 de mayu (Día de Les Lletres Asturianes).

Per otru llau, el cartel anunciador de les Xuntes d'esti añu ye'l ganador del II Concursu de carteles pa centros de Primaria, que sigue el lema de "Lletres, femenín plural". Trátase d'un dibuxu de Xosefa Xovellanos -primera autora n'asturianu de nome conocíu y una de les más importantes de la nuestra historia- qu'escribe nunos manuscritos nomes d'otres lliterates asturianes. D'esta obra ye autora Elisabeth Jiménez Gabarri del CP La Carriona-Miranda, que recibió un premiu de 150 euros y la so publicación.

Selmana de les Lletres n'Avilés

Desque les instituciones asumieron la promoción y protección del asturianu, celébrase cada mes de mayu la Selmana de les Lletres Asturianes. Trátase d'un de los actos culturales más importantes del añu, tanto pol so calter simbólicu como pola so contribución a la divulgación de la industria cultural del asturianu.

Pa esta edición, la númberu 38, la Conseyería d'Educación y Cultura preparó un programa d'actos que va atender de manera especial a la lliteratura escrita por muyeres. Col lema de "Lletres, femenín plural", esti homenaxe institucional y colectivu a les lletres va llegar a tola sociedá asturiana ente'l 2 y el 9 de mayu con actos de diversu calter.

Ente les instituciones que collaboren col Gobiernu d'Asturies pa llevar esta iniciativa alantre ta'l Conceyu d'Avilés. Ente los actos que se van celebrar na nuestra ciudá ta la V Feria del Llibru y el Discu n'asturianu, que va tar na Plaza de Domingo Álvarez Acebal ente'l 4 y el 7 de mayu.

Trátase d'una de les actividaes anuales que más ayuda a la visibilidá de la lliteratura y música nel nuestru idioma, con delles actividaes paraleles como presentaciones de llibros, conciertos n'acústicu o actividaes pa neños.

 

Imprimir

Próximos eventos

Exposición Just Residence 2017

Centro Municipal de Arte y Exposiciones (C/ Llano Ponte, 49)

Viernes 12 Mayo

Exposición "A través de mis ojos" de Óscar Fernández Orengo

Casa Municipal de Cultura, Avilés

Jueves 18 Mayo