Atrás

Avilés entama un proyeutu pilotu pa llevar l'asturianu a les escuelines de 0 a 3 años

Avilés entama un proyeutu pilotu pa llevar l'asturianu a les escuelines de 0 a 3 años

Coincidiendo col Día Internacional de la Llingua Materna

La conceyala de Cultura, Yolanda Alonso, presentó esti llunes les actividaes que va entamar el Conceyu d'Avilés pa conmemorar el 21 de febreru, Día Internacional de la Llingua Materna. Nel actu tamién participaron Montserrat Machicado, responsable de la Estaya de la Llingua; Mónica Alonso García, xefa de sección de la Conceyalía d'Educación; y Leonor Gago García, direutora de la Escuelina de La Madalena.

Presentación de la iniciativa. Presentación de la iniciativa.

Trátase d'un proyectu pilotu que va permitir llevar el nuestru idioma a la reciella de 0 a 3 años dientro de les actividaes complementaries de les escueles. Pa ello, el Conceyu d'Avilés, al traviés de la Estaya de la Llingua, va programar sesiones de bebecuentos, que se van celebrar en delles escueles d'Educación Infantil de la ciudá y nes que va participar el conocíu actor Carlos Alba, Cellero.

La campaña tamién va tener un material específicu pa estos niveles. Consiste na distribución d'una caxa con un xuegu infantil onde neños y neñes van poder diferenciar animales de la casería como la pita, la oveya, la xata, el coneyu, el musín, el perru, el coríu, el gochu y el burru. El xuegu compónse tamién d'una alfombra onde ta'l contornu del animal col so nome y una pieza cola imaxe del mesmu. Asina, los neños y neñes van poder rellacionar conceutos al empar que deprenden el nuestru idioma.

Les sesiones, que van tener un llargor de 20 minutos, van celebrase nes escueles y horarios que vienen darréu:

  • Día 21, 10.00 hores. Primera sesión de bebecuentos na Escuela Infantil d'El Quirinal.
  • Día 21, 10.30 hores. Segunda sesión de bebecuentos na Escuela Infantil d'El Quirinal.
  • Día 22, 10:00 hores. Sesión de bebecuentos na Escuela Infantil de La Toba.
  • Día 22, 11:00 hores. Sesión de bebecuentos na Escuela Infantil de La
    Madalena.

Ye la primer vez que dende la Estaya de la Llingua se trabaya coles escueles infantiles, siendo tamién una de les primeres veces qu'a nivel d'Asturies un serviciu de normalización entama un proyectu pa llevar l'enseñu de la nuestra llingua a los escolinos y escolines de menor edá.

Asina, bien ceo van sumase más conceyos a esta iniciativa que surde de la Estaya de la Llingua en collaboración cola Conceyalía d'Educación. Un proyeutu que naz coincidiendo cola celebración del Día Internacional de la Llingua Materna, pero que pretende espardise acullá d'esta conmemoración. Too ello cola sida de que, dende bien neños, los avilesinos y avilesines deprendamos a falar y a querer el nuestru patrimoniu llingüísticu.

 

Día Internacional de la Llingua Materna n'Asturies

El Día Internacional de la Llingua Materna proclamólu la UNESCO nel 2000 y celébrase dende esa fecha cada 21 de febreru pa recordar la importancia de protexer y favorecer el multillingüismu. Esti añu, la conmemoración tien el lema d'Educación de calidá, llingües d'enseñanza y resultaos d'aprendizaxe. La intención ye dexar patente la importancia de tolos idiomes y n'especial de les llingües maternes pa consiguir una educación de calidá.

N'Asturies, el motivu central de la celebración ye la visibilización del asturianu y del gallego-asturianu como llingua materna y como una ayalga cultural propia, qu'afala la calidá de la educación a tolos niveles col usu, ameyorando les capacidaes de comprensión y creatividá, al empar que favorez l'arriquecimientu de les rellaciones sociales y de les estratexes comunicatives.

Imprimir

Próximos eventos

"Quijote, Sancho, Forges, un dialogo a tres bandas"

Palacio de Valdecarzana (C/ El Sol, 1)

Lunes 23 Octubre, 11:00 h.

Visitas guiadas al Ciclac y Cementerio de La Carriona

Centro de Interpretación del Cementerio de La Carriona

Lunes 23 Octubre, 11:30 h.

I Ciclo de Videoarte "Corporalidades"

Factoría Cultural (Avda Portugal,13)

Lunes 23 Octubre, 20:00 h.

"La Ruta de las Estrellas. El Camino de Santiago en la Edad Media "

Museo de la Historia Urbana de Avilés (C/ Ferrería,35)

Martes 24 Octubre, 10:30 h.

Visitas guiadas al Museo de la Historia Urbana

Museo de la Historia Urbana de Avilés (C/ Ferrería,35)

Martes 24 Octubre, 11:30 h.

XXIII Certamen San Agustín de Cerámica

CMAE, (C/ Llano Ponte,49)

Martes 24 Octubre, 18:00 h.

Cine de Los Martes :"En lugar del señor Stein"

Casa Municipal de Cultura

Martes 24 Octubre, 20:15 h.

Cuentacuentos infantiles

Biblioteca de La Carriona

Miércoles 25 Octubre, 18:00 h.

Off Niemeyer: " Barbados , etcétera "

Sala Club del Centro Niemeyer

Viernes 3 Noviembre, 20:30 h.

Teatro: " Tebas Land " (estreno absoluto)

Teatro Palacio Valdés

Viernes 10 Noviembre, 20:15 h.

Concierto: Morgan

Teatro Palacio Valdés

Sábado 11 Noviembre, 20:30 h.

Teatro: " La danza de la muerte "

Auditorio Centro Niemeyer

Sábado 18 Noviembre, 20:30 h.

Teatro: " El Cartógrafo "

Auditorio Centro Niemeyer

Viernes 1 Diciembre, 20:30 h.

Concierto:The Forrest Rock Band. Film Music Live

Teatro Palacio Valdés

Sábado 2 Diciembre, 20:30 h.

Off Niemeyer : ‘Himmelweg’ (Camino del cielo )

Sala Club Centro Niemeyer

Sábado 2 Diciembre, 20:30 h.

Teatro: "Una vida americana" (estreno absoluto)

Teatro Palacio Valdés

Viernes 15 Diciembre, 20:15 h.