Atrás

El CEIP Villalegre y l'IES Carreño Miranda reciben los premios de les XV Xuntes d'Escolines y Escolinos

El CEIP Villalegre y l'IES Carreño Miranda reciben los premios de les XV Xuntes d'Escolines y Escolinos

A les 17 hores nel salón de Receiciones del Conceyu d'Avilés

Ganadores del III Concursu de Carteles pa centros de Primaria y del IV Concursu de Trabayos en Formatu Audiovisual pa centros de Secundaria y Bachilleratu. Recibirán una placa conmemorativa y un llote de llibros pa la biblioteca de caún de los centros

XV Xuntes d'Escolines y Escolinos XV Xuntes d'Escolines y Escolinos

La conceyala de cultura, Yolanda Alonso, entrega güei a les 17:00 hores los premios del III Concursu de Carteles pa centros de Primaria y del IV Concursu de Trabayos en Formatu audiovisual pa centros de Secundaria y Bachilleratu, los dos asociaos a les XV Xuntes d'Escolines y Escolinos. Los centros ganadores d'esta edición son el Colexu Públicu Villalegre y l'Institutu Carreño Miranda, esti últimu col so videoclip entituláu Movimientu Asturianu.

Nel acti va tar alumnáu de los dos centros avilesinos que recibirá los premios xunto al profesoráu de los mesmo, asina como l'equipu direutivu. El premiu consiste nuna placa conmemorativa y un llote de llibros pa la biblioteca escolar.

Les XV Xuntes d'Escolines y Escolinos d'Avilés cellebráronse'l pasáu 3 de mayu nel Auditoriu de la Casa la Cultura onde se xuntaron 450 neños, neñes que punxeron en comuña les actuaciones, representaciones teatrales y llectures que prepararon en clase. Esti añu dedicáronse a la obra y vida de la escritora asturiana Berta Piñán.

Imprimir

Próximos eventos