Atrás

El Palaciu de Valdecarzana acueye una mesa redonda sobre'l papel de la muyer na cultura tradicional asturiana

El Palaciu de Valdecarzana acueye una mesa redonda sobre'l papel de la muyer na cultura tradicional asturiana

Esti vienres 12 a les 19.00 hores

Esti vienres 12, a les 19.00 hores nel Palaciu de Valdecarzana, va celebrase la mesa redonda “Lluz nel llau escuru: muyer y tradición n’Asturies”, qu'entama la Estaya de la Llingua del Conceyu d’Avilés. Trátase d'una actividá enmarcada dientro de les IX Xornaes d'Alfarería d'Avilés.

Cartel de la mesa redonda. Cartel de la mesa redonda.

Con entrada de baldre hasta enllenar aforu, na mesa van participar tres persones de prestixu renomáu dientro del mundu de la cultura asturiana:

  • Antón Caamaño Vega (moderador): Doctor cum laude n'Artes Escéniques pola Universidá de Vigo (2016). Diplomáu n'Interpretación pol Institutu de Teatru y les Artes Escéniques (ITAE) (1990), tituláu superior n'Arte Dramáticu, especialidá en Dirección d'Escena pola Escuela Superior d'Arte Dramáticu del Principáu d'Asturies (ESAD) (2010), máster n'Historia y Análisis Sociocultural pola Universidá d'Uviéu (2011).
  • Alberto Álvarez Peña: Escritor, etnógrafu, dibuxante y ilustrador. Especializáu nes supersticiones y nes creencies presentes na cultura asturiana. Cofundador del cómic El Llapiceru y miembru de l'Asociación Cultural Belenos, dedicada a los estudios etnográficos.
  • Esther Prieto Alonso: Llicenciada en Filoloxía Hispánica pola Universidá d'Uviéu (1984). Escritora en llingua asturiana, poeta y editora; fundadora y codirectora xunto con Xuan Bello, Premiu Nacional de Lliteratura d'anguaño, de la revista Zimbru; Premiu Teodoro Cuesta de Poesía cola obra La mala suerte (1998); premiu Xosefa Xovellanos de Novela qu'entrega'l Gobiernu d'Asturies cola obra Güelu Ismail (2001) primera muyer qu'algama esti premiu; y nestos momentos codirectora de Ediciones Trabe, una de les principales empreses dientro de la industria cultural del asturianu.
Imprimir

Próximos eventos

Exposición Just Residence 2017

Centro Municipal de Arte y Exposiciones (C/ Llano Ponte, 49)

Viernes 12 Mayo

Exposición "A través de mis ojos" de Óscar Fernández Orengo

Casa Municipal de Cultura, Avilés

Jueves 18 Mayo