Atrás

Elizabeth Jiménez Gabarri gana'l concursu de carteles de les Xuntes d'Escolines y Escolinos

Elizabeth Jiménez Gabarri gana'l concursu de carteles de les Xuntes d'Escolines y Escolinos

Del Colexu Públicu La Carriona-Miranda

Elizabeth Jiménez Gabarri, escolina del Colexu Públicu La Carriona-Miranda, ye la ganadora del primer premiu del II Concursu de Carteles pa Primaria de les Xuntes d'Escolines y Escolinos d'Avilés. Trátase d'una actividá que s'enmarca na celebración de la XXXVIII Selmana de les Lletres Asturianes.

Cartel ganador. Cartel ganador.

El premiu pal cartel ganador va ser de 150 euros, amás de la so publicación como cartel anunciador de  les XIV Xuntes d'Escolines y Escolinos d'Avilés. Nel concursu participaron 11 colexos de la ciudá.

El xuráu tuvo conformáu poles siguientes persones:

  • Miguel Solís Santos, dibuxante y miembru de l'Academia de la Llingua Asturiana (presidente)
  • Ricardo Fernández López, alfareru y antiguu profesor de la Escuela Municipal de Cerámica (primer vocal)
  • Montserrat Machicado Compañy, filóloga y responsable de la Estaya de la Llingua d'Avilés (segundu vocal)
  • Abel Arias Castaño, xefe de Serviciu del Área de Cultura del Conceyu d'Avilés (secretariu)

Concursu de Trabayos d'Investigación

Tovía queda por saber el premiu del concursu de Trabayos d'Investigación pa Secundaria y Bachilleratu, nel que participa l'alumnáu de Secundaria y Bachilleratu de cuatro institutos d'Avilés.

El fallu del xuráu va ser el 5 de mayu, Día de les Lletres Asturianes, y el premiu va ser un regalu valoráu en 150 euros, que pue ser llibros o'l material escolar que'l centru considerare afayadizu pa tresmitir a les xeneraciones nueves el nuestru patrimoniu llingüísticu.

Imprimir

Próximos eventos

XI Premiu de Rellatos Curtios n'asturianu L'Horru d'El Carbayedo

Parque d'El Carbayedo

Domingo 20 Agosto, 09:30 h.

"La Dura Infancia. Fotografía y trabajo infantil en Asturias"

Museo Historia Urbana de Avilés (C/ Ferrería,35)

Domingo 20 Agosto, 11:00 h.

"Pintando versos". Colectiva inspirada en Ana de Valle

Palacio de Valdecarzana , (C/ El Sol, 1)

Lunes 21 Agosto, 11:00 h.

Visita guiada pel barriu de LLaranes ( Ciclu Caleyavilés )

Sitiu d'alcuentru: delantre la ilesia Santa Bárbara

Lunes 21 Agosto, 18:00 h.