Atrás

La Estaya celebra'l Día de les Lletres Asturianes con un vidiu conmemorativu de les Xuntes d'Escolines y Escolinos

La Estaya celebra'l Día de les Lletres Asturianes con un vidiu conmemorativu de les Xuntes d'Escolines y Escolinos

Publicado el 8 de Mayo de 2020
Programación de la Estaya de la Llingua d'Avilés pal mes de mayu

El 18 de mayu sumaráse al Día de los Museos con una visita virtual al Muséu de la Historia Urbana d'Avilés y el 22 celebrará'l Día de la Diversidá Biolóxica con otra visita virtual al Cañón d'Avilés o Caladeru de Carrandi. Los vídios emitiránse a les 17:00 hores y van tar disponibles pa poder velos na web de la Estaya de la Llingua, la revista dixital de la Fundación Municipal de Cultura, les redes sociales del Conceyu y la plataforma dixital PlayPresta.

Estaya de la Llingua del Conceyu d'Avilés. Estaya de la Llingua del Conceyu d'Avilés.

La Estaya de la Llingua del Conceyu d'Avilés sigue adautando la so programación a les circunstancies derivaes de la crisis sanitaria. En mayu va xunise, de forma virtual, a tres festexos, emitiendo pa caún d'ellos un vidiu qu va poder vese dende les 17:00 hores del día señaláu dende la web de la Estaya de la Llingua (http://llinguaviles.com/), la revista dixital de la Fundación Municipal de Cultura (http://www.avilescultura.com/), les redes sociales del Conceyu y la plataforma dixital PlayPresta.

La primera d'elles ye'l Día de Les Lletres Asturianes que se celebra güei, 8 de mayu, y que n'Avilés festéxase toles años coles Xuntes d'Escolines y Escolinos. como esti cursu l'actu nun se va poder facer, a les 17:00 hores va emitise un vidiu de los 16 años de les Xuntes.

La Estaya de la Llingua, poles circunstancies d'organización nun puede aplazar l'actu que siempre prepara pa esta fecha tan señalada, les Xuntes d'Escolines y Escolinos y, como tampoco puede facese agora presencial, decide nesti día 8 de mayu nel que taben previstos los actos d'homenaxe a la Llingua Asturiana, asoleyar un vidiu conmemorativu de los 16 años que se vienen faciendo de les Xuntes, pa nun dexar esti añu, que  cumpliríen los sos 17 años, como un añu ermu pa elles. 

El día 18, Día de los Museos, podrá participase nuna visita virtual n'asturianu al Muséu de la Historia Urbana d'Avilés (MHUA). Un actividá qu'otros años yera presencial.

Pa terminar, el día 22, Día de la Diversidá Biolóxica, habrá una visita virtual al Cañón d'Avilés o Caladeru de Carrandi, cola intervención del biólogu Miguel Solís y la bióloga Deva Blanco. 

 

Día de les Lletres Asturianes

L’Academia de la Llingua Asturiana (ALLA) anunciaba va unes selmanes que’l Día de les Lletres Asturianes, qu’habría celebrase esti vienres 8 de mayu, quedaba aplazáu por cuenta de la crisis sanitaria.

D’alcuerdu cola Conseyería de Cultura, Política Llingüística y Turismu y cola Dirección Xeneral de Política Llingüística del Gobiernu d’Asturies, l’Academia camentó que la situación provocada pol coronavirus COVID-19 aconseyaba l’aplazamientu de tolos actos previstos pa la Selmana y el Día de les Lletres Asturianes hasta la seronda. Agora, l’alcuerdu ente dambes partes apurre unes feches posibles, siempres que se dean les condiciones sanitaries y sociales y afayadices: del 28 de setiembre al 2 d’ochobre pa la Selmana y el 2 d’ochobre pal Día de les Lletres Asturianes.

Imprimir

Próximos eventos