Atrás

La Reciella de la Factoría programa cuatro actividaes infantiles pal primer semestre del 2017

La Reciella de la Factoría programa cuatro actividaes infantiles pal primer semestre del 2017

Encuádrense dientro de les actividaes qu'entama'l Conceyu d'Avilés pa normalizar l'usu del nuestru idioma

La conceyala de Cultura, Yolanda Alonso, xunto a la responsable de la Estaya de la Llingua del Conceyu d'Avilés, Montserrat Machicado, y la representante de Reciella n'Avilés, Susana Sela, presentaron esta mañana les actividaes escéniques programaes dientro del yá tradicional ciclu "La Reciella de la Factoría".

Presentación de les actividaes. Presentación de les actividaes.

Van ser un total de cuatro representaciones qu'inclúin cuentacuentos, teatru y marionetes pa que la reciella lo pase bien con histories y lleendes sorprendentes contaes en llingua asturiana. Son "Yérase que se yera", de la Compañía Olga Cuervo; "Nora", de Factoría Norte; "Montesín", de Kamante Teatru, representación con marionetes del clásicu de la lliteratura asturiana; y "La bruxa Llara", de Factoría Norte.

Esta actividá entámala la Estaya de la Llingua en collaboración cola asociación Reciella-Families pol Asturianu. Encuádrase dientro de la programación que pon en marcha cada añu'l Conceyu d'Avilés p'ayudar a normalizar l'usu del nuestru idioma ente les xeneraciones más nueves.

Les cuatro representaciones van facese nel espaciu escénicu de la Factoría Cultural (Avd. de portugal, 13) y van principiar a les 19:00 hores con entrada llibre y de baldre hasta enllenar aforu. Nun se va poder pasar al espaciu escénicu depués d'escomenzar l’actividá.

Les actividaes tienen una periodicidá mensual y son les que vienen darréu;

  • 3 de febreru: "Yérase que se yera", de la Compañía Olga Cuervo

Interpretada por Olga Cuervo, Daniel López, Enrique Dueñas, Borja Roces y Javier Arboleya.

Una princesa que nun ye como les demás, un llobu miedosu, un cuélebre que nun sabe echar fueu y una fada ensin varina. Cuatro personaxes escapaos de los llibros que necesiten volver. 

  • 24 de marzu: "Nora", de Factoría Norte

Interpretada por Ana Morán, cola música de David Varela y los dibuxos y animación de Juan Hernaz sobre'l testu de Fátima Fernández.

Les marionetes, la música, les imaxes van dir metiéndonos na historia de Nora, una neña mui especial.

  • 28 d'abril: "Montesín", de Kamante Teatru

Interpretada por Marta Vicente y basáu nel clásicu publicáu en 1980 por María Xosefa Canellada.

Montesín  ye un cabritín qu'anda perdíu cerca L’Escorial y qu’atopen y curien dos nenos con grandes trabayos. Trátase del primer llibru infantil de les lletres asturianes y qu'agora, pela primer vez, va poder vese adaptáu pa la so representación con marionetes.

  • 19 de mayu: "La bruxa Llara", de Factoría Norte

Interpretada por Ana Morán

Llara nun ye como otres bruxes. Cocina histories prestoses y rares; Un pirata qu’enxamás tuvo un tesoru... una princesa  que suaña con viaxar en caballu... un árbol que  fai cosquilles y ye l’allegría de tolos neños y neñes...

Imprimir

Próximos eventos

"Julio Verne. Los límites de la imaginación"

Cúpula del Centro Niemeyer

Viernes 4 Noviembre

Exposición "Colegio San Fernando 75 aniversario (1941-2016)"

Factoría Cultural (Avda. Portugal, 13), Avilés

Viernes 3 Marzo

Exposición "Activa – 15 obras entre el contingente y lo intangible”

Centro Municipal de Arte y Exposiciones - CMAE (c/Llano Ponte 49).

Viernes 3 Marzo

Exposición "40 aniversario de la muerte de Juan Muñíz Zapico"

Museo de la Historia Urbana de Avilés (C/ La Ferrería, 35)

Lunes 6 Marzo

Exposición "Soñando el mar", de Carlos Cabo

Factoría Cultural, Avilés

Lunes 20 Marzo

Exposición "Ordenaciones conscientes" de Mª José Navarro

Palacio de Valdecarzana (C/ El Sol, 1)

Martes 28 Marzo

I Semana Cultural Julián Orbón

Casa Municipal de Cultura (Plaza de Domingo Álvarez Acebal, 2)

Martes 28 Marzo, 19:30 h.