Atrás

Educación y la Estaya de la Llingua d'Avilés ponen en marcha por cuartu añu'l programa "Xugamos pa deprender"

Educación y la Estaya de la Llingua d'Avilés ponen en marcha por cuartu añu'l programa "Xugamos pa deprender"

Publicado el 22 de Febrero de 2021
Coincidiendo col Día Internacional de la Llingua Materna, que se celebra güei domingu 21 de febreru

Van entregar a les Escueles de 0 a 3 años del Conceyu d'Avilés caxes con xuegos pas que neños y neñes conozan y s'averen al vocabulariu n'asturianu sobre les partes del cuerpu humanu, diseñaos pola empresa avilesina Signum.

material educativu y lúdicu pensáu pa celebrar el Día Internacional de la Llingua Materna material educativu y lúdicu pensáu pa celebrar el Día Internacional de la Llingua Materna

Güei, domingu 21 de febreru, va celebrase en tol mundu'l Día Internacional de la Llingua Materna. Coincidiendo con esti acontecimientu, la Conceyalía d'Educación y la Estaya de la Lingua d'Avilés refuercen el so compromisu cola llingua asturiana, cola so conocencia y tresmisión nes primeres etapes del deprendimientu de neños y neñes, gracies a la puesta en marcha de programes  como "Xugamos pa deprender", que cumple la so cuarta edición.

Trátase d'una campaña de collaboración coles Escueles infantiles municipales, de 0 a 3 años, que convirtió en pioneru hai cuatro años al Conceyu d'Avilés, el primeru de toa Asturies que preparó material educativu y lúdicu pensáu pa esi tiempu nel que piquiñines y piquiñinos entamen a descubrir el mundu que les y los arrodia. 

La nueva edición sigue cola campaña entamada l'añu anterior, dedicada d'aquella al vocabulariu n'asturianu de les partes de la cabeza humana, y nesta ocasión, va siguise col troncu.

Los centros recibirán material nuevu, consistente nun xuegu, diseñáu pola empresa avilesina Signum, con pieces que tienen qu'encaxar, colocaes encima una alfombra na que tán pintaes estes partes. Trátase d'un xuegu doble, porque hai pieces del troncu per delantre y per detrás, en bolses individuales pa cada parte.

Van repartise seis caxes na escuelina  d'El Quirinal, tres na de La Toba, y dos na de La Madalena, de forma que tengan una caxa pa cada clase, evitando tener que mover el material d'una clase pa otra, porque pola mor de la pandemia del COVID-19 nun se puede compartir material.

L'oxetivu ye que neños y neñes deprendan y s'averen al vocabulariu básicu col xuegu, nel que van atopar fiches coles diferentes partes del trocu y el so nome n'asturianu, como pescuezu, llombu, bandullu... Y van poder rellacionales col so contornu que ta dibuxáu na alfombra, na que les pieces tienen d'encaxar a mou de rompecabeces. 

Imprimir