Avilés Innova

Información

L'alcuerdu de concertación social "Avilés Innova pol espoxigue económicu, la sostenibilidá, l'emplegu y la xuntura social" quier  siguir p'alantre col modelu de ciudá qu'identifica Avilés agora, con una estructura demográfica más moza y una cualificación urbana, faciendo que xurdan proyeutos empresariales y sociales nuevos, con emplegu de calidá, puxando poles estayes productives y afitando Avilés como ciudá segura, cabezalera del diseñu y desenvolviendo polítiques nueves dende'l puntu de vista social.  

El plan Avilés Innova sirvió hasta 2021 pa usar 119,3 millones d'euros en más de 200 actuaciones nel entornu físicu de la ciudá y na identificación del modelu de crecimientu cola industria.

L'alcuerdu roblólu l'alcaldesa d'Avilés, Mariví Monteserín, el presidente de la FADE, nesi momentu, Belarmino Feito, y los secretarios xenerales d'UXT y CCOO de la comarca, Iñaki Malda y José Manuel Rodríguez Baltar, respeutivamente.

   Documentu Plan Avilés Innova

 


Últimas noticias