Culture
La Factoría Cultural acueye un alcuentru íntimu con Rodrigo Cuevas
09 dic. 2021

L’artista va protagonizar un alderique centráu na figura de Rambal, personaxe nel que s’inspira la so canción Rambalín, Premiu Camaretá al meyor cantar na edición de 2020.

L'aforu ta llimitáu a 70 persones y les inscripciones, de baldre, pueden facese per WhatsApp al númberu 634821613, o pel corréu electrónicu na direición estayallingua@aviles.es.


 

L'Espaciu Escénicu de la Factoría Cultural va acoyer el llunes que vien, día 13 d’avientu, un alcuentru íntimu col artista asturianu Rodrigo Cuevas. L’actividá, que ta dientro la programación navideña NAvilés, enmárcase nel circuitu artísticu-lliterariu “Autores nel Camín 2021”, frutu de la collaboración ente’l Gobiernu del Principáu d’Asturies y el Conceyu d’Avilés. 

 

L'alcuentru con Rodrigo Cuevas nun tiene el formato d’actuación musical, sinón de charra o alderique centráu na figura de Rambal, personaxe al que Cuevas-y fae un homenxe na so canción Rambalín. Esti tema recibió'l Premiu Camaretá al meyor cantar na edición de 2020. Dempués de l’alderique, Rodrigo Cuevas interpretará dicha pieza. 

 

L'actu que va entamara les 19 hores, tendrá una duración de 45 minutos y 70 places como muncho pa l’asistencia. Les persones interesaes en dir a esti alcuentru tendrán d’apuntase primero, o bien per WhatsApp al númberu 634821613, o también per corréu electrónicu a estayallingua@aviles.es.

Les inscripciones son de baldre y per rigurosu orde según se vayan apuntando les persones interesaes. 

 

Ye obligatoriu l’usu de mázcara mientres dure tola actividá. 

  • Cultura

También te puede interesar...