Cai La Fruta

 
Información

Una de les principales cais de la ciudadela medieval amurallada que cambió munchísimo'l so aspeutu dende'l sieglu XIX.

Na parte sur, a lo último y al llau de La Casa Conceyu, taba una de les puertes de la muralla, nomada la Puerta del Reló. El so trazáu orixinal tenía soportales, lo mesmo que'l de la Ferrería, camudando'l so aspeutu a lo cabero del sieglu XIX con unes fachades precioses con balcones. 

Más o menos, dende la metá la cai, sal la Cai del Sol, que se xune con  La Ferrería. Nesti puntu podemos apreciar el diálogu visual ente les fachades de los  Palacios de Camposagrado    y   Ferrera, empobinándonos asina hasta'l cuadru barrocu de la villa nel sieglu XVII. 

Anguaño atopamos nella cases pa vivir, comercios y bares xunto coles zones d'ambiente familiar y de bares de les cais que tán apegaes, un sitiu tradicional pa pasease y quedar. 

Últimas noticias