Contacto

Hasta'l día 29 de xunu va tar abiertu'l plazu p'apuntase en http://www.aviles.es/TSAvilesDeportes/ pa tolos grupos ufiertaos na programación de les actividaes de la temporada de veranu de la Fundación Deportiva Municipal. De toes formes, los cursinos que yá ta claro que se van facer tendrán abiertu'l plazu p'apuntase más p'allá del 30 de xunu hasta que se cubran les pleces qu'hai.

Esti 30 de xunu, xueves, avisaráse a les persones que s'apuntaren enantes cuando nun se puedan formar los grupos por nun llegar a una cantidá mínima de participantes. 

Les persones apuntaes, tendrán de pasar pelos polideportivos que tean abiertos, pa pagar n'efectivu la tasa correspondiente a partir del 30 de xunu y enantes de qu'entame l'actividá na que s'apuntare. 

Les persones que s'apunten pela web a partir del 30 de xunu en cursos confirmaos tendrán que pagar nel momentu nel que s'apunten al traviés de TPV

Hai de recordar que quien tovía nun seya usuariu o usuaria de la Fundación Deportiva Municipal tendrá que dase d'alta enantes d'apuntase a un cursu. Puede facese esti trámite recoyendo l'impresu na ventanilla de control del Complexu Deportivu Avilés, del Complexu Deportivu de La Madalena o del Comlexu Deportivu Los Canapés, o tamién descargándolu de la web del Conceyu.