Contacto

Tovía queden places p'apuntase a los cursos del campus infantil y xuvenil "Veranu con Arte" de la Factoría Cultural pa la segunda quincena de xunetu (del 18 al 29) y l'últimu día pa facelo ye'l miércoles 13. 

La conceyalía de Cultura d'Avilés entama una edición nueva del campus infantil y mozu "Veranu con Arte", al traviés de la Factoría Cultural, col que neñes, neños y mocedá podrán pasalo bien con unes vacaciones diferentes, calándose na creación artística, de forma didáutica y prestosa, al mesmu tiempu que se procura la conciliación de les families cola so vida llaboral. 

El campus ofrez 5 cursos diferentes, cuatro nel ámbitu de les artes plástiques y gráfiques, y ún más nes artes escéniques, con un propósitu: promocionar el talentu artísticu y creativu d'una forma activa, con talleres que dan profesionales de renome, con un total de 168 places. 

Ye pa neños, neñes y adolescentes d'ente 5 y 16 años (Lo mesmo los 5 que los 16 años tienen que que tar cumplíos nel momentu d'entamar l'actividá) de llunes a vienres en dos quincenes, del 4 al 15 y del 18 al 29 de xunetu. Con un total de 30 hores llectives en cada cursu, 15 a la semana, pela mañana, de 10.00 a 13.00 hores. 

Los d'artes plástiques y gráfiques ofrecerán 12 places caún por cada quincena, dándose clases de cerámica, pintura, grabáu y stop-motion, en función del cursu. Nel casu del d'artes escéniques, sedrán 32 por cada quincena, nos ámbitos del cantu, del baille y de les téuniques del circu. 

Mantiénse asina'l  compromisu del Conceyu d'Avilés d'ofrecer a les families con menores al so cargu actividaes que faciliten la conciliación de la so vida personal, llaboral y familiar.

Matrícula

El plazu de matriculación ye dende'l 20 de xunu hasta dos díes  enantes del entamu del turnu del cursu  pal que se matricula. 

Pa matriculase puede facese de forma telemática, a través de la Sede Electrónica de la web municipal d'Avilés, https://sedeelectronica.aviles.es/Publicaciones/Otras y dempués entrar en Convocatorias/Fundación Municipal de Cultura.

Tamién se puede facer de forma presencial, nel Serviciu d'Atención Ciudadana  na Casa Conceyu y n'El Foco en Villalegre, pa los que se puede pidir cita previa, nel teléfonu 985 122 100 o na Sede Electrónica. Hai de rellenar un formulariu INSCRIPCIÓN CAMPUS ARTÍSTICO VERANO CON ARTE:2022, que se puede pidir na Factoría Cultural o na Oficina d'Asistencia en Materia de Rexistru. 

El preciu de la matriculación ye de 43 euros por alumnu o alumna y quincena, col coste del material incluyíu. Ye necesario que lleven ropa cómodo, mandilón o camisetes que se puedan manchar. El profesoráu podrá pidi-yos a neos y nñes material de trabayu diferenciáu. 

Tán previstes bonificaciones en función de la renta y a families numeroses.

Cursos y places

1. Artes plástiques y gráfiques. Modalidá A. Cerámica, pintura y grabáu. De 5 a 7 años. 12 places pa cada quincena. Total: 24 places.
2. Artes plástiques y gráfiques. Modalidá B.  Cerámica, stop - motion y grabáu. De 7 a 9 años. 12 places pa cada quincena. Total: 24 places.
3. Artes plástiques y gráfiques. Modalidá C. Cerámica, pintura y stop - motion. Preadolescentes y mocedá de 10 a 16 años. 12 places pa cada quincena. Total: 24 places.
4. Artes plástiques y gráfiques. Modalidá D. Pintura, stop - motion y grabáu. Preadolescentes y mocedá de 10 a 16 años. 12 places pa cada quincena. Total: 24 places.
5. Artes escéniques. Cantu, baille y téuniques de circu. De 5 a 16 años. 36 places pa cada quincena. Total: 72 places.

Conteníos

Artes plástiques y gráfiques. Neños y neñes de 5 a 9 años:

Modalidá A: Cerámica, pintura y grabáu. Neños y neñes de 05 a 07 años.

Modalidá B: Cerámica, stop - motion y grabáu. Neños  y neñes de 07 a 09 años.

• Taller de Cerámica: Conoz el mundu y plásmalu en cerámica (1 hora al día). Modalidá A y B. Tamos nel mundu. Trespasu de conocimientos xenerales sobre la cultura de los diferentes continentes (arquiteutura, crámica, escultura, pintura...) con imáxenes, vidios...Trabayu individual y grupal. Desarrollu pictóricu de los conocimientos que se tuvieren enantes (mural d'idees). Esbilla de bocetos. Plasmación en siete téuniques cerámiques distintes fomentando la creatividá del alumnáu. Estudiu de pastes cerámiques. 
• Taller de Grabáu. (1 hora al día). Modalidá A y B. Estampación artística (grabáu, llitografía, serigrafía). Decoración de papel y encuadernación. El llibru y otros impresos. Xuegos con papel. Tarxetes y carteles. Trabayos basaos nos siete continentes, na so cultura y nos sos movimientos artísticos. Aplicación a soportes alternativos (camisetes, cerámica, plásticu...).
• Taller de Pintura. (1 hora al día). Modalidá A. Desarrollu de la imaxinación del alumnáu fomentando la so concentración y la observación manipulando materiales propios del campu artísticu proponiéndose un viaxe pelos cinco continentes tresmitiendo conocimientos xenerales sobre  ónde tán, la so arquiteutura, escultura, pintura...Conocimientu del llinguax plásticu (forma, color, textura y espaciu), al traviés del dibuxu, la pintura, el collage, pastel, téuniques mestes...Esperimentación con diferentes materiales, soportes y formatos. 
• Taller de stop-motion. (1 hora al día). Modalidá B. Creación y esbilla de los elementos básicos del argumentu d'una historia. Ellaboración d'un story-board, dibuxos en cómic d'escenes básiques pa entender un argumentu. Modeláu en cerámica pa crear personaxes. Usu de téuniques de construcción d'escenarios y d'elementos escénicos. Decoración d'escenariu y elementos con téuniques pictóriques. 

Artes plástiques y gráfiques. Preadolescentes y mocedá de 10 a 16 años:

Modalidá C: Cerámica, pintura y stop - motion.

Modalidá D: Pintura, stop - motion y grabáu.

• Taller de Cerámica: Conoz el mundu y fáilu en cerámica (1 hora al día). Modalidad C. Tamos nel mundu. Tresmisión de conocimientnos xenerales sobre la cultura de los diferentes continentes (arquiteutura, cerámica, escultura, pintura...) con imáxenes, vidios...Trabayu individual y grupal. Desarrollu pictóricu de los conocimientos garraos (mural d'idees). Esbilla de bocetos. Deprender les siete téuniques cerámiques distintes fomentando la creatividá de alumnáu. Estudiu de pastes cerámiques.  
• Taller de Grabáu. (1 hora al día). Modalidá D. Estampación artística (grabáu, llitografía, serigrafía). Decoración de papel y encuadernación. Decoración de papel y encuadernación. El llibru y otros impresos. Xuegos con papel. Tarxetes y carteles. Trabayos basaos nos siete continentes, la so cultura y los sos movimientos artísticos. Aplicación a otros soportes  (camisetes, cerámica, plásticu...) 
• Taller de Pintura. (1 hora al día). Modalidaes C y D. Desarrollu de la imaxinación del alumnáu fomentando la so concentración y la observación manipulando materiales propios del campu artísticu proponiéndose un viaxe pelos cinco continentes tresmitiendo conocimientos xenerales sobre  ónde tán, la so arquiteutura, escultura, pintura...Conocimientu del llinguax plásticu (forma, color, textura y espaciu), al traviés del dibuxu, la pintura, el collage, pastel, téuniques mestes...Esperimentación con diferentes materiales, soportes y formatos. 
• Taller de stop-motion. (1 hora al día). Modalidad C y D. Creación y esbilla  de los elementos básicos del argumentu d'una historia. Creando un story-board, dibuxos en cómic d'escenes básiques pa entender un argumentu. Modeláu en cerámica pa crear personaxes. Usu de téuniques de construcción d'escenarios y d'elementos escénicos. Decoración d'escenariu y elementos con téuniques pictóriques. Trabayu col croma pa rodar fuera na cai. Aplicación práutica de téuniques básiques pa retratar con máquina réflex y/o móvil: encuadre, lluz, usu de la máquina de retratar y/o móvil. Edición y montaxe de la imaxen fotográfica; entamando cola téunica del Stop-motion.  

Artes escéniques. Neños, neñes y mocedá de 5 a 16 años:

• Taller de Baille (1 hora al día). Pasos básicos. Coreografíes. Potenciación de destreces físiques (fuerza, flexibilidá, equilibriu, coordinación y espresión corporal) y mentales (concentración, disciplina, creatividá  imaxinación).
• Taller de Cantu (1 hora al día).  Dir viendo'l puxu que pue tener la voz deprendiendo repertoriu musical. Trabayu de ritmu y entonación. Exercicios de musicomotricidá. Trabayu del oídu musical y de la respiración. Dir viendo'l canon y la armonía. Repertoriu musical infantil y mozu con movimientos coreográficos cenciellos y prestosos, repertoriu clásicu, teatru musical, versiones pop...

Taller de Téuniques Circenses (1 hora al día). Desarrollu de téuniques de circu: malabares, clown, globoflexia... Estimulación d'artes motrices y espresives desenvolviendo diferentes téuniques teatrales, acrobacia y sicomotricidá.