Persones y Bienestar
"Europa Aquí" entama un aconceyamientu informativu sobre intercambios pa la mocedá
21 may. 2022
Hai d'apuntase primero. Puede facese presencial diendo a la Oficina de Movilidá de la Mocedá Internacional, mandando un corréu electrónicu a europaqui@gmail.com o per teléfonu 985561882

 

 

Esti martes 24, a les 17.30 hores nel Edificiu Fuero, "Europa Aquí", la oficina de movilidá internacional pa la mocedá d'Avilés, convoca un aconceyamientu informativu pa que se conozan los dos programes que la Comisión Europea promueve: intercambios pa la Mocedá y Cuerpu Européu de Solidaridá. Nesta ocasión una ex voluntaria va contar la so esperiencia a los y les participantes. 

 


Cartel de la charra informativa

Pa poder tar nesta sesión ye necesario apuntase enantes. Les persones interesaes pueden facelo presencialmente diendo a la Oficina de movilidá pa la mocedá internacional o, si quieren tamién, mandar un corréu electrónicu a europaqui@gmail.com, o llamar al teléfonu 985561882

El programa Cuerpu Européu de Solidaridá ye pa mozos y moces d'ente 17 y 30 años que fadrán una actividá voluntaria nuna organización d'otru país polo menos dos meses como mínimu y 12 como muncho. Los gastos d'agospiu, viaxe, seguru, dineru y formación págalos la Comisión Europea "Erasmus+:Mocedá n'Aición". Los proyeutos pueden tratar sobre temes propios de la mocedá, infancia, tiempu llibre, mediuambiente, arte, cultura o discapacidá, ente otros. 

Los intercabios de la xente mozo son una de les aiciones del programa Erasmus+ que tien l'envís de fomentar el deprendimientu entecultural y el desarrollu de competencies per aciu d'alcuentros ente la mocedá de toa Europa. 

 

 

 

  • Personas y Bienestar

También te puede interesar...