Contacto

El Salón de Receiciones de la Casa Conceyu acoyó güei pela mañana la entrega de los diplomes de los 51 establecimientos hosteleros coordinaos pola Unión de Comerciantes d'Avilés y la Contorna (UCAYC) participante na plataforma Hostelería#PorElClima que quier  lluchar escontra'l cambiu climáticu y apuesta por una transición hacia una economía baxa en carbonu.  

Nel actu d'entrega participaron la conceyala de Comerciu y Turismu, Raquel Ruíz; el direutor de Comunicación de la fastera norte de Coca-Cola, Gonzalo Márquez; el direutor d'Aición Climática d'ECODES, Pablo Barrenechea, y el xerente d'UCAYC, José Antonio Álvarez. Toos ellos agradecieron la implicación de la hostelería avilesina. 

Hostelería#PorElClima ñació en 2017, dempués del llamamientu mundial pal Alcuerdu de París pa tomar midíes que sirvan pa frenar la emerxencia climática. Formen una plataforma virtual que xunta a tola comuña d'establecimientos d'hostelería que decidieron comprometese cola sociedá, col nuestru entornu y con un futuru meyor. Ta dientro de la  Comunidad#PorElClima    y desarrollada por ECODES, la ONG que trabaya porque medren los Oxetivos de Desarrollu Sostenible, cola collaboración de Coca-cola y el sofitu institucional d'Hostelería d'España. 

A los establecimientos que se xuntaron a la plataforma fízose-yos unes entrugues con 6 aiciones, pa poder estudiar dalgunes de les midíes p'actuar escontra'l cambiu climáticu, col resultáu de la identificación d'hasta 250 aiciones que yá tán funcionando. 

Esta campaña entamó en 2020, pero pola pandemia tuvo que parase. Poco a poco la hostelería fue recuperándose en 2021 y 2022, volviendo a siguir con esta campaña y pudiendo llegar a más establecimientos y presentar resultaos esti mes de mayu de 2022. 

La campaña creóse con tres oxetivos concretos: 

• Que se vean les aiciones climátiques que los establecimientos d'Avilés tán llevando a cabu, dende la páxina web del proyeutu, per aciu d'un "perfil climáticu" de cda establecimientu.  
• Ufrir un plan d'aición pa la descarbonización a los establecimientos que se xunieron, y pueden atopar el so perfil climáticu na parte privada suya. 
• Facer un informe pa ver cómo se van llantando estes aiciones na hostelería avilesina. 

Los establecimientos que tán dientro d'esta iniciativa Comunidad#PorElClima amuesen esti compromisu de cuidar el planeta col so perfil climáticu públicu na plataforma     , onde se puede ver lo que fai cada establecimientu p'amenorgar los gases d'efectu invernaderu pa la atmósgfera, nos 6 temes identificaos por  Hostelería#PorElClima     p'amenorgar les emisiones nel sector, que son: 

- Aforru d'agua

- Xestión de residuos

- Eficiencia enerxética

- Movilidá sostenible

- Güelga de carbonu

- Consumu responsable

Caún de los que se xunieron puede marcar hasta 56 aiciones climátiques en total qu'amuesen el camín que van siguir hasta la descarbonización del so negociu. 

La campaña Hostelería d'Avilés#PorElClima tien una páxina web propia con tola información: 

https://hosteleriapolclima.es/hosteleria-comprometida/campanes-polclima/aviles-polclima

Hostelería#PorElClima afaya, con un enfoque positivu centráu nes soluciones, que les empreses d'hostelería se xunten a la llucha escrontra'l cambiu climáticu y s'empobinen a una economía baxa en carbonu contribuyendo a que l'Alcuerdu de París medre con munchos más oxetivos marcaos. Too ello, enseñando y asoleyando aiciones que, dende la hostelería, yá se tán faciendo a favor del clima y ufriendo ferramienta, información y casminos a siguir pa, cola implicación de tol mundu, amenorgar el cambiu climáticu. 

Xuníeronse a ello, dende qu'entamó en 2017, un total de 1.900 establecimientos , desenvolviendo más de 25.000 aiciones pa salvar el clima. Amás, pa dar-y importancia y enseñar les "bones práutiques" del sector, la web d'Hostelería#PorElClima espublizó más de 180 histories y siete casos d'ésitu.