Contacto

Dende'l 20 de mayu ta abiertu'l plazu pa solicitar ayudes municipales en materia de vivienda. son tres convocatories específiques de subvenciones pa los gastos d'alquiler, d'hipoteca y/o comunidá de propietarios/es y de garantía enerxética. Ta publicao nel BOPA la “Convocatoria de subvenciones del programa Ayudes a la Garantía Habitacional 2022” : https://sede.asturias.es/bopa/2022/05/19/2022-03617.pdf.

L'últimu día pa presentar solicitúes d'ayudes pal alquiler y de garantía enerxética ye'l 28 d'ochobre y les ayudes pa propietarios y propietaries (pagu d'hipoteca, comunidá) el 19 de xunetu.

El presupuestu total pa estes ayudes añales ye de 771.500 €, que se reparten asina:

• Ayudes pal alquiler: 400.000 €
• Ayudes de Garantía Enerxética: 240.000 €
• Ayudes pa la hipoteca y/o gastos de comunidá de propietarios/es: 131.500 €

La tramitación de les solicitúes tendrá de facese de forma presencial na Oficina Municipal de Vivienda-Fundación San Martín, que ta nel númberu 16 de la cai El Balandro (El Nodo), pidiendo cita primero. L'horariu d'apertura d'esta oficina ye de 9 a 17 hores de llunes a vienres, esceuto nos meses de xunetu y agostu, nos que l'horariu sedrá de 8 a 15 hores, nos dos casos horariu tou siguíu.

Caúna de les tres convocatories d'ayudes del Conceyu en materia de vivienda tien una fecha tope pa presentar les solicitúes. Les feches son éstes:

• Ayudes al alquiler: 28 d'ochobre de 2022
• Ayudes de Garantía Enerxética: 28 d'ochobre de 2022
• Ayudes a la hipoteca y/o gastos de comunidá de propietarios/es: 19 de xunetu de 2022

Les bases y impresos correspondientes a cada convocatoria tará preparada pa que se descargue na páxina web de la Fundación San Martín (www.fsmaviles.es), asina como nel Tablón d'Edictos del Conceyu d'Avilés.

Ayudes al alquiler 2022

Les ayudes al alquiler 2022 son pa persones mayores de 30 años o que tean en dalguna d'estes situaciones:

• Tener fíos/es al so cargu
• Families monoparental
• Muyeres víctimes de violencia de xéneru
• Pensionistes
• Mozos y moces que comparten casa

Daráse-yos una ayuda al mes del 50% del alquiler, como muncho de 150 euros por casa y 180 euros pa families con fíos/es al so cargu. L'ayuda va pagase tolos meses dende que se da, atendiendo asina a les necesidaes inmediates. Nun se van subvencionar alquileres superiores a 400 euros y les viviendes tienen que tar dientro'l territoriu del Conceyu d'Avilés. En xeneral, ye necesario tar empadronáu n'Avilés polo menos 3 meses. 

Los ingresos trimestrales en tolos miembros que viven na casa nun pueden ser myores del 1,2 veces l'IPREM ponderáu. Nun se puede deber  engún recibu d'alquiler nel momentu nel que se solicite l'ayuda y tolos miembros de la unidá familiar tendrán que tar al corriente nos pagos col Conceyu d'Avilés y nun deber nada a la Facienda del Principáu d'Asturies y Axencia Tributaria. Esta ayuda ye incompatible con cualquier otra ayuda que seya pa lo mesmo, incluyíu'l Complementu vital p'alquiler de casa, previstu na Llei de Garantía de Derechos y Prestaciones Vitales del Principáu d'Asturies. Esta Llei obliga a que los pagos del alquiler se faigan pel bancu.  

Ultimu día de presentación de solicitúes: 28 d'ochobre de 2022.

Ayudes de Garantía Enerxética 2022

Estes ayudes son pa pagar los recibos de la lluz, gas y agua, asinan como'l renganche del suministru de les families que tán nun mal momentu económicu. 

Pa conseguir estes ayudes ye neceserario, ente otres coses, ser titular del contratu de suministros o que l'arrendador o arrendarora lo pague. Hai de tar empadronáu o empadronada n'Aviles poplo menos 3 meses. 

Los ingresos trimestrales ente tolos miembros que viven na casa nun pueden ser más de 1,2 veces l'IPREM ponderáu. Tolos miembros de la familia tendrán que tar al día nos pagos col Conceyu d'Avilés y nun tienen que deber nada a la Facienda del Principáu d'Asturies o l'Axencia Tributaria. 

Va dase una ayuda sola del 100% de les factures (ensin recargos) de la empresa suministradora, con un total de 350€ al añu. Sólo se puede dar una ayuda por cada casa y persona d'unidá de convivencia sobre una mesma factura d'empresa suministradora, y sólo se van poder subvencionar factures d'empreses suministradores. 

Esti añu, por culpa de la subida de la lluz y el gas, aumenta esta partida en 30.000 €.

Ultimu día de presentación de solicitúes: 28 d'ochobre de 2022.

Ayudes a la hipoteca y/o gastos de comunidá 2022

Esta convocatoria vuelve a incluyir una llinia d'ayudaes pa pagar les cuotes hipotecaries, amás de la llinia normal llantada pa pagar les cuotes de la comunidá de propeitarios/es.

Puede presentase sólo una solicitú por persona física y casa nuna de les dos llinies. Quien lo solicite tendrá que tener una casa que ye pa la qu'hai de subvencionar los gastos o ser titular del pagu de los gastos de la comunidá. Nun se va poder tener otra casa y hai de tenelo too pagao, tolo que se va subvencionar, xustificando nos 10 primeros díes de cada mes, el pagu de los recibos hasta completar la cantidá que se dea como subvención. 

Quien quiera estes ayudes tendrá que vivir y tar empadronáu/ada n'Avilés na fecha de presentación de la solicitú. Los ingresos trimestrales ente toles persones que vivan na casa nun puede ser más de 1,2 veces l'IPREM ponderáu.

Nel casu de les subvenciones al pagu de la cuota hipotecaria, daránse ayudes pol 50% del importe de la cuota durante 12 meses, con una cantidá de 1.000 euros como mucho. La cuota hipotecaria a subvencionar nun podrá ser más de 400 euros.

Per otra parte, les subvenciones pal pagu de los recibos de la comunidá sedrán del 100% del so importe hasta 240 euros al añu.

Ultimu día de presentación de solicitúes: 19 de xunetu de 2022.

1.858 families beneficiaes en 2021

L'añu pasáu, la Oficina Municipal de Vivienda (OVA-FSM) dio un total de 1.258.871 € n'ayudes que beneficiaron a 1.858 families, incluyíes les ayudes d'emerxencia que nun entraríen nesta convocatoria.

El mayor importe foi p'ayudes al alquiler (598.776,22 €), xubiendo un 3,88% respeuto a 2020. Les ayudes de garantía enerxética llegaron a los 217.066,07 €.

Les ayudes pa los propietarios o propietaries fueron 124.280,86 €, de los que 79.640,86 € correspondieron a ayudes pa pagar les cuotes de la hipoteca, mientres los 44.640 € que qeudaben fueron pa los gastos de la comunidá de propietarios/es. La primer convocatoria d'ayudes pal alquiler pa xente mozo resolvióse cola concesión de 40 ayudes por un importe de 50.200 euros.