Ayuda
El Cursu d'Operariu/a de Calderería y Ensamblaxe de Torres Eóliques, organizáu por Formación y Empléu, ye pa 15 persones que nun tengan trabayu. L'aición formativa ta dientro'l conveniu ente'l Conceyu d'Avilés y FEMETAL firmáu en 2021. Ta previsto qu'entame'l 26 de setiembre y tien un compromisu de contratación del 60% de les persones que son aptes pal cursu, por un tiempu de 6 meses.
Les persones interesaes pueden apuntase con esti formulariu o llamando a los teléfonos 985 51 14 77 - 985 12 91 10 del Centru d'empléu Europa.
Pa últimos de mes fadráse una esbilla coles persones apuntaes pa formales na fechura, montaxe y reparación d'elementos de calderería y nel ensamblaxe de torres eóliques. Sedrá imprescindible que les persones candidates acrediten estos requisitos:
-
Formación nel sector del Metal (Certificaos de Profesionalidá, Ciclos Formativos), principalmente calderería.
-
Esperiencia llaboral en calderería, montaxe industrial, estructures metáliques o soldadura.
Estes aiciones formatives concrétense pa que nun queden places ensin ocupar o problemes pa atopar determinaos perfiles profesionales que puedan ser un problema pa que determinaos sectores productivos puedan afitase empresarialmente na nuestra contorna.
La temporalización de la formación ye la que vien darréu:
-
Duración: 364 hores
-
Formación teórica: 164 hores
-
Prátiques no llaborales n'empresa: 200 hores
-
Día nel que s'entama: 26 de setiembre de 2022
-
Día que termina: 23 d'avientu de 2022
-
Nu participantes: 15
-
Modalidá: presencial
Conteníos Formativos:
-
Prevención de Riesgos Llaborales: Formación d'oficiu pa caldereros y caldereres (20 hores)
-
Prevención de Riesgos específicos del caldereru o calderera de torres eóliques (4 hores)
-
Seguridá pa usar la ponte grúa (20 hores)
-
Seguridá pa usar la plataforma elevadora (8 hores)
-
Seguridá en trabayos n'altura (4 hores)
-
Sensibilización Medioambiental y Xestión de residuos (8 hores)
-
Calderería, ensamblaxe de torres eóliques y montaxe de clips internos (60 hores)
-
Práctiques de calderería y ensamblaxe de torres eóliques (40 hores)
Práctiques no llaborales en llinia de calderería y ensamblaxe de torres eóliques (200 hores)
*Enllaz direutu al formulariu p'apuntase:
- Formación y Empleo