Ayuda
La Conceyalía de Participación Ciudadana y Cooperación Internacional, al traviés de la Oficina del voluntariáu del Conceyu organiza'l "II Alcuentru de voluntariáu d'Avilés", en collaboración cola Plataforma del Voluntariáu d'Asturies Sedrá'l próximu día 6 d'ochobre nel Palaciu de Maqua (cai La Cámara, 23 - Avilés).
La asistencia al Alcuentru ye de baldre. Por cuestiones d'aforu ye imprescindible apuntase primero,calcando nel enllaz del formulariu que ta na web www.avilesvoluntariado.org
El plazu p'apuntase quedará abiertu hasta'l próximu día 4 d'ochobre a les 15:00 hores o, hasta completar aforu.
La organización d'esti alcuentru ta dientro l'ensame de toles midíes llantaes nel Plan Estratéxicu del Voluntariáu d'Avilés y quier dar puxu y reforzar el voluntariáu nel Conceyu al traviés de les entidaes sociales y los sos programes, contribuyendo a promover la solidaridá social na nuestra ciudá.
El II Alcuentru de Voluntariáu estructuraráse en dos sesiones:
¿ La sesión de la mañana ye pa personal téunicu que tenga interés o rellación col ámbitu del voluntariáu y persones responsables o coordinadores de programes y entidaes de voluntariáu. Nesa mañana van dir tocándose, con profesionales expertos na materia, cuestiones rellacionaes cola competencia entecultural pa un voluntariáu comprometíu colos Oxetivos de Desarrollu Sostenible (ODS), asina como, aspeutos relativos a los retos a los que s'enfrenten anguaño, les entidaes de voluntariáu.
¿ La sesión de la tarde, a la que tamién van poder dir los y les participantes de la mañana, si ye que-yos peta, ye pa persones voluntaries o a cualquier persona con interés pola aición voluntaria y por conocer les entidaes y programes que desarrollen actuaciones d'esti calter na ciudá. Nesta sesión desarrollaránse tres talleres, lleváu, caún d'ellos, por una persona responsable d'una entidá de voluntariáu d'Avilés. En concreto, nesta edición van dar los talleres:
- EsRetina
- Fundación de Trabayadores de la Siderurxa Integral (FTSI)
- Fundación Secretariáu Xitanu.
Les persones apuntaes van poder participar en dos de los talleres ufiertaos.
Más información na Oficina del Voluntariáu del Serviciu de Participación Ciudadana del Conceyu d'Avilés (Cai Rivero, 52, 3º), nel teléfonu 985 129 098 o nel corréu electrónicu: participacion@aviles.es
Daráse xustificante d'asistencia a toles persones participantes.
- Participa