La conceyalía de Festexos d'Avilés abrió'l plazu p'apuntase a ún de los actos más tradicionales de les Fiestes d'El Bollo, la escoyeta de la Xana, la Xanina y les Dames d'Honor.
Les candidatures podrán presentase hasta'l vienres 1 d'abril na oficina de la Delegación Municipal de Festexos (c/ Ruiz Gómez, 21) de 9:00 a 15:00 hores.
Pa la candidatura de Xanina podrán presentase neñes de 8 a 12 años, los dos incluyíos, y nel casu la Xana, la edá sedrá ente los 15 y los 20 años.
Pa escoyer les dos figures, y la de les Dames d'Honor correspondientes, fadráse con un sortéu, nun actu que se va facer el sábadu 2 d'abril, na Casa Cultura (12:00 hores). Un actu nel que tendrán que tar presentes dafechu toles candidates: si nun tán, nun van entrar nel sortéu.
Podrá apuntase cualquier neña o moza y cumpla colos requisitos de la edá. Nun van poder volver a presentase quien fuere Xana o Xanina nos dos últimos años. Per otru llau, les Dames d'Honor sí que van poder volver a selo.
L'actu oficial de presentación de les elexíes va facese'l sábadu 9 d'abril, nel Salón de Receiciones d'Avilés, a les 12 hores.
- Fiestas y Festejos