Avilés Empreses
APTenisa Launch busca proyeutos de negocios teunolóxicos avanzaos pa la so validación y llanzamientu al mercáu
23 may. 2022
El plazu de presentación de candidatures termina'l 31 de mayu y el programa va desenvolvese ente los meses de xunu y avientu. Una iniciativa que se sofita nel métodu Lean Launchpad, desendolcáu nes universidaes de California y Standford, pioneres del emprendimientu científicu – teunolóxicu

APTenisa Launch ye un programa inmersivu pa emprendedores empobináu a validar el modelu de negociu y poner en marcha una empresa de base teunolóxica con un impactu innovador altu. Ye un proyeutu al que-y da puxu l'Asociación de Parques Teunolóxicos Españoles (APTE) na qu'avilés participa per aciu del PCT Avilés Isla de la Innovción y pola Empresa Nacional d'Innovación (ENISA)

Sólo 3 equipos van poder tener la oportunidá de participar nel programa, polo que se va dar prioridá a los que yá tengan un modelu de negociu especialmente innovador, que puede medrar y que puede dar trabayu. Tamién se van valorar dellos aspeutos como la madurez del proyeutu, la composición por equipos multidisciplinares, presencia de muyeres y participación na fase anterior del programa d'APTENISA. Nesta fase tamién s'almiten empreses que yá tean constituyíes que siguan los criterios xenerales del programa. El plazu de presentación de candidatures termina'l 31 de mayu. 

P'apuntase:
https://www.curtidora.com/arranca-aptenisalaunch/

Los y les participantes van tener sofitu nuna primer fase del so proyeutu y la preparación necesaria pal so llanzamientu al mercáu, per aciu de teunoloxíes rápides y fresques qu'afayen la identificaciçón de clientes, socios y socies y proveedores. En tou esti procesu van contar col asesoramientu teunolóxicu, acompañamientu y finxu pa la xestión empresarial. 

Trátase d'un programa inmersivu completu de 160 hores de duración, que se va facer ente los meses de xunu y avientu de 2022. La so metodoloxía afítase nel métodu Lean Launchpad, desenvueltu nes universidaes de California y Standford, pioneres del emprendimientu científicu - teunolóxicu, qu'echa un gabitu pasu ente pasu nel desenvolvimientu del proyeutu: dende la idea del entamu hasta la constitución de la empresa, centrándose sobre too na validación del modelu de negociu y la identificación del cliente per aciu d'entrevistes col mercáu. 

En terminando'l programa, los equipos participantes podrán presentar la so empresa na rede d'inversores de l'Asociación de Parques Científicos Teunolóxicos (APTE).
 

Diferentes aiciones

Amás d' APTenisa Launch,formen parte del proyeutu APTENISA les aiciones Aptenisa Start, qu'arrancaron a primeros de mes y empobínense al asesoramientu a emprendedores que tengan idees pa qu'entamen a furrular empreses de base teunolóxica startaps y el programa Investor Network, que se presenta güei pela rede y ta empobináu a formar a posibles inversores n'análisis de proyeutos y fiscalidá col envís de crear una rede d'inversores pequeños col algame nacional. 

El proyeutu APTENISA xurde del Conveniu Marco apautáu ente la Empresa Nacional d'Innovación (ENISA) y l'Asociación de Parques Teunolóxicos d'España (APTE) del que forma parte'l Parque Científicu Teunolóxicu d'Avilés Isla de la Innovación. 

El proyeutu APTENISA xurde del Conveniu Marco apautáu ente la Empresa Nacional d'Innovación (ENISA) y l'Asociación de Parques Teunolóxicos d'España (APTE) del que forma parte'l Parque Científicu Teunolóxicu d'Avilés Isla de la Innovación. 

ENISA que tien como oxetu social, el fomentu y promoción de la innovación tenunolóxica y el sofitu económicu pa empreses pequeñes y medianes innovadores españoles, xuntáronse a los programes de la estaya de Promoción Económica del Conceyu d'Avilés p'afayar y puxar por proyeutos nuevos y que se van poder llevar a cabu nesti añu. 

La collaboración entamó con TRAIN THE TRAINERS, el programa que ye precisamente pa que los xestores del proyeutu seyan quien a llantar los programes que queden dientro de  'Avilés ye innovación'.  
El parque Científicu Teunolóxicu d'Avilés Isla de la Innovación al traviés de la so entidá alministradora, La Curtidora, ta encargáu de la xestión de los recursos, medios y incentivos pa la innovación nes empreses pequeñes y medianes d'Avilés. 

  • Aviles Empresas

También te puede interesar...