Contacto

Avilés acueye otra edición del Mercáu Artesanu y Ecolóxicu el sábadu 18 y el domingu 19 de xunu  nel parque de Les Meanes/Las Meanas. Una oportunidá p'avilesinos, avilesines y turistes de conocer la meyor artesanía y gastronomía d'Asturies. 

Podrán  comprase les pieces y los productos d'artesanía, pequeños productores, agricultores, ganaderos y ganaderes n'horariu de 11:00 a 15:00 y de 17:00 a 21:00 hores, esceuto'l domingu, que va terminar a les 20:00 hores. El mercáu va contar con 24 puestos.

Actividaes

• Sábadu 18 Caravana del reciclaxe. Puntu informativo sobre les Tres Erres y nel que s'ufren diversos xuegos pal públicu de toles edaes. Esta actividá ta desarrollada cola collaboración de COGERSA.
•  
• Sábadu 18 y domingu 19 I Certamen d'Alimentos del Paraísu Natural nel Mercáu Artesanu y Ecolóxicu d'Avilés. Actividá de promoción y esposición de la marca de calidá Alimentos del Paraísu Natural onde se va poder deprender a reconocer la gastronomía del calidá del Principáu. Tamién va haber xuegos familaires nos que los y les participantes entrarán nun sortéu de lotes de productos d'alimentos del Paraísu Natural y un puntu d'información onde se podrán consultar duldes. 

Productos

• Artesanía: madera, acebache, vidriu, cueru, ropa, y munchos más, que xunen les téuniques tradicionales cola innovación nel diseñu, con creaciones pa tolos gustos.

• Productos ecolóxicos de calidá: quesu, miel, embutíos, güerta, conserves y tamién productos tradicionales que inviten al consumu de lo que tenemos ms cerca pa vivir nun  mundu más llimpiu.

Artesanos y Artesanes participantes

• Lula Martín Creaciones, vidriu.
• Rupestreando, pintura en pizarra.
• Cachupín, pintura en madera.
• Miguel Vicuña, xoyería.
• Guxidrín, escanciadores.
• Javier Álvarez, cuernu.
• El bosque de las Hadas, aerógrafu.
• Acebache Llantones, acebache.
• Un Nido de Culebras, cueru.
• El bosque de los Ciervos, cueru.
• Tino de Cabo, telar.

Pequeños productores

• Huerto Lloreu, güerta ecolóxica.
• Huerta La Vega, güerta ecolóxica.
• Asiegu, quesu Cabrales ecolóxicu.
• Ecopítas, güevu ecolóxicu.
• Quesería Priédamo, quesu Gamonéu.
• Quesería Temia, quesu Afuega'l pitu
• Azafrán Tradicional, azafrán.
• La Castañal, obrador.
• La Forna, obrador.
• Gancedo, embutíu.
• El Remedio, embutíu.
• Las Danzas, vinu de Cangas.
• Asturcilla, crema de chocolate.
• Brañas de Muxagre, miel.
• Arándanos de Muño, arándanos y zumos.