Contacto

L'Asociación d'Antiguos Trabayadores del Aria Sanitaria III xunto cola Asociación Cultural La Serrana convocaron el  I Certame de Rellatos "Les persones y la Salú". Les persones interesaes en participar, podrán mandar les sos obres hasta'l sábadu, 31 de mayu, a les 23:59 hores.

Los mayores de 16 años, que viven nel Principáu d'Asturies nel momentu nel que se fae pública esta convocatoria, tendrán de centrar los rellatos al rodiu de la rellación de les personas y la salú.

Los rellatos, que tienen de tar en llingua castellana, tendrán de ser inéditos y nun tar premiaos en nengún concursu lliterariu. Podrán ocupar como muncho tres folios DIN-A4 en lletra Arial 12 y espaciáu 1.5.

Les obres podrán enviase lo mesmo per corréu postal como per corréu electrónicu.

Envío per Corréu Postal:

I CERTAMEN DE RELLATOS "LES PERSONES Y LA SALÚ"

Hotel La Serrana

Cai La Fruta, 9; CP: 33402; Avilés; Asturies

Hai de mandar sos dobres. Nel Sobre 1, que llevará la inscripción RELLATU Y TÍTULU DEL MESMU, Equí meteráse'l rellatu en testu. Lo mesmo nesti sobre como nel testu mandáu a concursu nun se va incluyir nenguna referencia que pueda identificar al autor o autora. Nel Sobre 2, col mesmu títulu del rellatu, meteránse los datos d'identificación del autor o l'autora: nome y dos apellíos, copia del DNI, corréu electrónicu y teléfonu de contautu y señes.

Envíu per Corréu Electrónicu

Mandaráse un corréu electrónicu a: asociacionculturallaserrana@gmail.com que tendrá dos ficheros. Nun ficheru, col títulu de la obra y nomatu, meteráse tamién, en formatu PDF la obra a concursu; nel segundu ficheru incluyiránse los datos d'identificación del autor o autora: nome y dos apellíos, copia del DNI, corréu electrónicu y teléfonu de contautu y señes.

El primer premiu ye de 500 € y un segundu premiu de 350 €. El fallu del xuráu sedrá enantes del 31 de xunetu de 2025. Los premios van dase mientres se tea faciendo  “L'Aula de Salú” dempués del fallu del Xuráu, nel Hotel La Serrana (Avilés. Principáu d'Asturies).