Contacto

 El Conceyu d'Avilés ta llevando a cabu la implantación de l'accesibilidá na páxina web municipal. 
Lo mesmo'l portal  http://www.aviles.es/ como la so Sede Electrónica (https://sedeelectronica.aviles.es/) tienen yá  un botón encima a la derecha que se ve mui bien dende'l que se puede entrar al menú "Opciones d'Accesibilidá".

Ye una plataforma teunolóxica que-y da a la páxina web una capa más d'información semántica, personalizada por persones espertes n'accesibilidá y usu. 

Esta nueva carauterística dexa:
•    Meyorar de manera automática el cumplimientu de munches de les recomendaciones del W3C (World Wide Web Consortium: https://www.w3.org/) en materia d'accesibilidá web, convirtiendo la web en más accesible y con meyor usu.
•    Afayar dende la nube los sofitos téunicos pa que cada persona pueda navegar de manera adautada a les sos necesidaes y preferencies.

La plataforma teunolóxica ufre ferramienta qu'ayuda a la navegación, personalizao pa cada páxina por persones espertes n'accesibilidá, dexando que s'use según les preferencies visuales, sonores, d'escritura o de navegación de cada persona. Asina, la web adauta'l so diseñu pa l'usuariu o usuaria vea, entienda, navegue y enteactúe con ella.

Esto fai posible y meyora la navegación de persones con capacidaes diferentes, que nun ven bien o ven poco, con problemes de movilidá o que nun pueden movese nada, incluso con problemes pa falar. Tamién ye más fácil pa que anveguen les persones mayores, que nun lleen bien o que nun tán mui avezaes a lo dixital. 

Estes meyores d'accesibilidá responden al cumplimientu, por parte del Conceyu d'Avilés, de la Llei 39/2015, de 1 d'ochobre, del Procedimientu Alministrativu Común de les Alministraciones Públiques.

La norma llanta, nel so artículu 13, que les persones tienen derechu a un sofitu pal usu de medios electrónicos nes sos rellaciones coles Alministraciones Públiques pa garantizar que puedan reallacionase cola alministración per aciu de medios electrónicos, poniendo pa ello a la so disposición canales d'accesu necesarios, asina como los sistemes y aplicaciones que se decidan en cada casu. 

Amás, tuviéronse en cuenta recomendaciones del W3C (World Wide Web Consortium: https://www.w3.org/) en materia d'accesibilidá web, convirtiéndola en más accesible y con meyor usu, asina como les pautes WCAG 2.1, desarrollaes pola iniciativa WAI (Web Accessibility Initiative), anguaño en vigor, qu'ayuden a crear un contenidu más accesible pa más xente con dalgún pilancu. 

L'accesibilidá web reconocióse internacionalmente como un derechu fundamental de les persones a nivel mundial, hai diferentes obligaciones llegales y obligaciones sociales que faen que l'accesibilidá web seya lo primero nes polítiques públiques y privaes:
•    Global
o    ONU: Convención sobre los derechos de les persones con discapacidá.
o    ONU: Oxetivos de desarrollu sostenible (ODS)
•    Europa
o    Direutiva (UE) 2016/2102: DEL PARLAMENTU EUROPÉU Y DEL CONSEYU de 26 d'ochobre de 2016 sobre l'accesibilidá de los sitios web y aplicaciones pa dispositivos móviles de los organismos del sector públicu
•    España
o    RD 1112/2018: Real Decretu 1112/2018, de 7 de setiembre, sobre accesibilidá de los sitios web y aplicaciones pa dispositivos móviles del sector públicu

Anguaño, créese que viven n'España unos 4 millones de persones con discapacidá, el 9% de la población del país.