Contacto

Otru añu más, el Conservatoriu Municipal Profesional Julián Orbón abre les sos puertes a tola comunidá educativa, a la ciudadanía d'Avilés y al públicu en xeneral, na so V Selmana Cultural. Celébrala programando seis conciertos, amás de la danza de la compañía Larreal y conferencies como la del divulgador cultural César Lucas (@artesindormirte). Dende pasáu mañana, vienres 24 de marzu hasta'l vienres que vien.

Avilés participa na vida artística y musical que xurde de l'actividá de tolos díes del so centru públicu educativu musical de referencia, integrando  nos sos conciertos  lo mesmo al alumnúa como al profesoráu, y siempre col prestixu de conferenciantes y músicos que participen en cada edición

Un programa que trae les novedaes d'un conciertu coral de música relixosa y otru d'una banda de pop rock, Sonder Betty, d'Avilés xunto cola danza, la música clásica y l'espardimientu de la cultura, una programación que presentaron Yolanda Alonso, conceyala de Cultura y Promoción de Ciudá y el direutor del Conservatoriu, Carlos Galán.

Como anunció la conceyala, "sedrá una selmana na que vamos tener ocho actividaes fuera de les de siempre, cinco conciertos y un conciertu-conferencia, amás d'otra charra y un espectáculu de danza de la nomada compañía Larreal, del Real Conservatoriu Profesional de Danza 'Mariemma' de Madrid, con quien volvemos a contar".

Nos conciertos van participar siete profesores del centru, amás de los que vienen del Conservatoriu de Xixón, de la orquesta sinfónica Oviedo Filarmonía, la Banda de Música d'Uviéu. Tamién el fundador del Conservatoriu Julián Orbón, José María Martínez, el pianista Jacobo de Miguel y de la caderalga y musicóloga de la Universidá d'Uviéu, María Encina Cortizo.

Les propuestes abiertes a tol públicu, van ser nel mesmu Conservatoriu, el Teatru Palacio Valdés y la Casa la Cultura, nos sitios de siempre d'otros años, a los que se xunten la Factoría Cultural y la ilesia de Santo Tomás de Cantorbery.

Actuaciones

Vuelve Larrea, compañía con más de 30 años d'historia, conformada pol alumnáu del Conservatoriu de danza Mariemma de Madrid, con un espectáculu de danza clásica y española nel Teatru Palacio Valdés el sábadu 25, qu'inclui les obres "Cuando corpus", "Caronte", "Self", "Urizen" y "El Quintu Elementu".

Tamién va poder disfrutar de los conciertos nomaos a cargu del alumnáu del Conservatoriu Julián Orbón. Na ilesia de Santo Tomás, el vienres 24, a cargu del Coru d'Enseñances Profesionales del Conservatoriu, dirixíu por Isabel Baigorri y con Judit Busquets, profesora d'órganu del centru, y el so fundador, José María Martínez, al órganu. Sonarán obres de Pachelbel, Bach, Caccini, Scalatti, Brahms o Liszt, ente otros. Y el llunes 27, el tradicional Conciertu de Primavera na Casa la Cultura, na que se va interpretar la obra "Pedro y el Llobu" , de Prokofiev.

El martes 28, conciertu de pianu y saxofón a cargu del pianista Jacobo de Miguel y el saxofonista Javier Rubio, na entrada del Conservatoriu. El miércoles 29, doble conferencia-conciertu nel Teatru Palacio Valdés, entamando con una charra de la Caderalga de Musicoloxía de la Universidá d'Uviéu María Encina Cortizo, terminando col Septimino de Beethoven. interpretáu por una agrupación que se formó pa eso en concreto.

El xueves 30, la charra del pianista y musicólogu César Lucas Raboso, conocíu por esparder peles redes sociales la cultura musical per aciu de la so cuenta n'Instagram Arte Sin Dormirte (@artesindormirte), con más de 50.000 seguidores.

Y finalmente, en la jornada de clausura, el viernes 31, el contrapunto del concierto de cámara del Astur Ensemble en el Conservatorio, con obras de Dvorák y Shostakovich, y el cierre en la Factoría Cultural, del pop rock de Sonder Betty y sus invitados.

Pa terminar, pal pieslle, el vienres 31, el contrapuntu del conciertu de cámara del Astur Ensemble nel Conservatoriu, con obres de Dvorák y Shostakovich, y na Factoría Cultural, el pop rock de Sonder Betty colos sos convidaos y convidaes.

Invitaciones disponibles dende'l día 23

Toles actividaes programaes na Selmana Cultural del Conservatoriu Municipal Profesional Juián Orbón son de baldre. Nel casu de les del Teatru Palalcio Valdés, La Factoría Cultural y la Casa la Cultura, hai de sacar una invitación, na tquilla de la Casa la Cultura, dende'l xueves 23 de marzu nel horariu de siempre del centru.

Nel casu de los conciertos qu'hai a la entrada del Conservatoriu y la Ilesia de Santo Tomás, la entrada ye llibre y de baldre hasta completar l'aforu, ensin necesidá d'invitación.

Programa d'actos

Vienres 24 de marzu

• 20.00 hores. Ilesia de Santo Tomás de Cantorbery. Conciertu. Música relixosa siglos XVII a XX. Coru d'Enseñances Profesionales del Conservatoriu Julián Orbón. Con direición d'Isabel Baigorri, y al órganu, Judit Busquets y José María Martínez

Sábadu 25 de marzu

• 20.00 hores. Teatru Palacio Valdés. Danza clásica y española. Actuación de la compañía Larreal

Llunes 27 de marzu

• 19.30 hores. Auditoriu Casa la Cultura. Conciertu de Primavera del alumnáu del Conservatoriu Julián Orbón, cola banda'l Conservatoriu, dirigida por Marcos Malnero Varela. Interpretarán Pedro y el Llobu, de Prokofiev

Martes 28 de marzu

• 19.30 hores. Entrada del Conservatoriu Julián Orbón. Actuación de Jacobo de Miguel (pianu) y Javier Rubio (saxofón)

Miércoles 29 de marzu

• 19.30 hores. Teatru Palacio Valdés. Conferencia de María Encina Cortizo y conciertu del Septimino de Beethoven

Xueves 30 de marzu

• 19.30 hores. Auditoriu de la Casa la Cultura. Conferencia "¿Valgo pa la música?", de César Lucas @artesindormirse

Vienres 31 de marzu

• 20.00 hores. Entrada pal Conservatoriu Julián Orbón. Conciertu del Astur Ensemble
• 22.00 hores. Sala Escénica de la Factoría Cultural. Conciertu Sonder Betty y persones invitaes