Persones y Bienestar
El proyeutu 'Conect-As' sirve pa formase dixitalmente y pidir ayudes pa comprar equipos pa quien reciba'l salariu social
05 jul. 2022
Los itinerarios formativos diseñaos de forma individualizada van desarrollase nos telecentros municipales. Los bonos pa mercar dispositivos y conexión a internet ye de 1.000 euros por solicitú concedida y el plazu ta abiertu hasta'l 21 de xunetu.

La Conseyería de Derechos Sociales y Bienestar asoleyó'l proyeutu pilotu “CONECT-AS" qu'afaya intinerarios d'inclusión social dixital n'Asturies. Inclui la concesión d'una ayuda que ye un bonu de 1.000 euros pa mercar un ordenador y una conexión a internet pa cada persona beneficiaria de les ayudes. 

Les persones beneficiaries tendrán un itinerariu formativu adautáu y individualizáu, pa deprender lo básico y entrar nel mundu dixital dende los Centros de Dinamización Teunolóxica Llocal d'Avilés (telecentros). 

Les persones que tengan esta ayuda tendrán de dir a los cursos, que son obligatorios, col equipu que compró con esa ayuda según se llanta nes bases reguladores. Pueden acoyese a esti programa les persones mayores d'edá beneficiaries del Ingresu Vital (IMV) o'l Salariu Social Básicu (SSB). Entiéndese por "persona beneficiaria" la que seya titular de la prestación o integrante de la Unidá Económica de Convivencia Independiente (UECI) de cualquier ayuda y cumpla colos demás requisitos. Sólo se puede presentar una solicitú por Unidá Económica de Convivencia (UECI). 

La Iniciativa ta integrada nel Plan européu de Recuperación, Tresformación y Resiliencia (PRTR), qu'incorpora una axenda d'inversiones importante y de reformes estructurales. En concreto, esta iniciativa, ta dientro les actuaciones que faen referencia al "Fomentu del crecimientu inclusivu cola mestura ente les polítiques d'inclusión social y l'Ingrasu Mínimu Vital". Pa esti proyeutu pilotu n'Asturies hai una inversión d'unos 7,33 millones d'euros. 

L'oxetivu xeneral del proyeutu CONECT-AS ye puxar pola activación inclusiva social mediante l'amenorgamientu de la brecha dixital que sufren les persones en riesgu de probitú y refugu social. En concreto, n'Asturies va llegar a 3.000 persones beneficiaries de rentes mínimes (ingresu vital, salariu social básicu o les dos). 

Les aiciones d'activación inclusiva tán orientaes p'algamar estos oxetivos específicos:

  • Algamar competencies dixitales qu'afayen la rellación dafechu de la ciudadanía cola alministración electrónica y l'espoxigue de la identidá dixital ciudadana. 
  • Garantizar l'eccesu a los servicios públicos per aciu de los medios dixitales, con una evaluación participativa de los servicios d'alministración electrónica de servicios sociales por parte de les persones beneficiaries d'esti proyeutu. 

 

Presentación de solicitúes

El plazu de presentación de les solicitúes tará abiertu hasta'l 21 de xunetu, incluyíu.  Les solicitúes podrán presentase:

Tamién en formatu papel y presencial en :

  • Oficines d'Atención Ciudadana de l'Alministración del Principáu d'Asturies.
  • Oficines de Rexistru de l'Alministración del Principáu d'Asturies y d'oficines concertaes: https://www.asturias.es/oficinas-de-registro
  • Oficines de Correos.
  • Cualquiera de los previstos nel artículu 16.4 de la Llei 39/2015, de 1 d'ochobre, del Procedimientu Alministrativu Común de les Alministraciones Públiques.

Les persones que tengan problemes pa tramitar esta solicitú pueden dir a los telecentros municipales que tán na cai Marcos del Torniello o nel Edificiu Europa de l'Avenida d'Oviedo.El personal de los telecentros y de Tragsa sedrá quien les atienda.

Son gastos subvencionables con cargu al bonu de Conect-AS:

  • Mercar un ordenador portátil, una tablet con tecláu o un ordenador portátil convertible.
  • Lo que cuesta internet tolos meses, que ye necesario pal usu del dispositivu que se merque, como muncho sedrán 12 meses. 

Más información

web: www.conect-as.es

Corréu electrónicu:

info.conectas@tragsa.es

Teléfonu: 984 018 532

 

  • Personas y Bienestar

También te puede interesar...