Deportes
El Rallye d'Avilés vuelve a recuperar la plaza España como puntu de salida y llegada na so 46ª edición
04 jul. 2022
Los díes 8 y 9 de xunetu. 57 coches van percorrer 240 kilómetros pelos conceyos d'Avilés, Castrillón, Corvera, Llanera y Soto'l Barcu en 8 tramos. La prueba puntúa pa los campeonatos d'Asturies y d'España de Rallyes de Coches Históricos.

 


 

57 equipos (29 de velocidá y 28 de regularidá) apuntáronse pa participar na 46 edición del Rallye d'Avilés Históricu que se celebra esti vienres y sábadu. Ente los que s'apuntaron hai de destacar a Cele Fonceuva con un NMW M3 y antonio Sanz con Subaru Legacy 2.2 4WD, los dos na categoría Pre-90, asina como Jesús Manuel Ferreriro, con Ford Escort RS 1.800 MK II, na categoría Pre-81. Tres pilotos mui conocíos y de renome del automovilismu nacional. 

Disputárense 8 tramos cronometrando 240 kilómetros del percorríu. Respeuto a la edición anterior hai dos tramos nuevos que se correspuenden colos que se desenvuelven pela mañana: Tamón - Serín y Ferroñes - Corvera. La prueba adás de per Avilés va dir pelos conceyos de Catrillón, Corvera, Llanera y Sotu'l Barcu. El Rallye d'Avilés presentáronlu na Casa Conceyu, Nuria Delmiro, acompañada de José Ramón Rodríguez, de a Escudería Avilesina y José Luis Pérez<, presidente de la Comisión d'históricos de la Real Federación Española d'Automovilismu. 

El Campeonatu d'España d'esta especialiá, lo mesmo nel apartáu de velocidá que nel de regularidá volverá a tener la Villa del Adelantáu como centru d'operaciones. Trátase d'un eventu míticu nel calendariu nacional de rallyes, puntuable nos campeonatos d'España y d'Asturies de Rallyes de Coches Históricos. 

El rallye d'esta edición vuelve a ser como siempre. La ceremonia de salida del vienres, 8 de xunetu, sedrá dende'l Centru Cultural Internacional Oscar Niemeyer. Parque peslláu y entrega de premios na Plaza España d'Avilés. La zona de trabayu va tar nel aparcamientu del Complexu Deportivu Avilés. pel so llau, l'Avenida Principal de Piedrasblancas sedrá onde se faigan les xuntes. polo que volverá a tener un protagonismu grande dientro'l rallye avilesín. 

Amás de los nomaos, otru pilotu destacáu ye Marcial Rodríguez, que col so Porsche Carrera 3.0 va volver a plasmar a toles persones aficionaes. Tamién, van tar los equipos de siempre nesti certamen. Asina, na salida tarán Juan Orlando Méndez, Ford Sierra Cosworth 4x4, cabezaleru na categoría Pre-90.

Pel so llau, José Luis Sosa, que va primeru na clasificación na categoría Pre-81, tará na salida col so Ford Escort RS 1800 MK II, L'apartáu de regularidá tará mui reñíu, porque tán apuntaos los pilotos que son cabezaleros de les diferentes categoríes. En regularidá sport saldrá Francisco Martínez Ruisánchez, Volkswagen Golf GTI, primeru na categoría. En regularidá hasta 60 km/h Darío José García con BMW 325i, ye'l primeru de la clasificación. 

 

Restricciones aparcamientos

Según informa la Policía Llocal d'avilés, con motivu de la celebración del Rallye d'Avilés, habrán estes restricciones p'aparcar y andar col coche: 

1º.- Dende les 08:00 h. del vienres día 08/07/2022 nun se va poder aparcar nestes zones:

            *           Cai Fuero de Avilés.- En tol aparcamientu apegáu a les pistes d'Atletismu del Complexu Deportivu Avilés, asina como tampoco se va poder aparcar en llinia na parte derecha d'esa cai en sentíu a la cai José Cueto en paralelu al estacionamientu indicau enantes.

            *          Plaza Donantes de Sangre.- Nes tres zones de batería, zona verde, que ta más cerca de la entrada principal del Complexu Deportivu Avilés

2º.- Dende les 07:00 h. del sábadu, día 09 de xunetu, y hasta'l final de la prueba prevista, pa les 21:00 h d'esi día, el cachu de cai del Fuero de Avilés ente les cais Dolores Ibarruri y Ramón Granda quedará cortáu al tráficu del too .

 

Programa Rallye Avilés 2022

Vienres 8 de xunetu

  • De 15:00 A 19:00 hores. Complexu Deportivu Avilés (plaza de los Donantes de Sangre)

Verificaciones (Según convocatoria individual con CH).

Montaxe de GPS y trespondedores de cronometraxe

  • De 18:30 a 20:00 hores. Centru Cultural Niemeyer

Entrada de Coches pal Parque pa la Ceremonia de Salida

  • 20:30 hores. Centru Cultural Niemeyer

Ceremonia de Salida

  • De 20:40 a 21:15 hores. Plaza España

Entrada de Coches Parque Peslláu de Salida

Sábadu 9 de xunetu

  • 08:15 hores. Plaza España

            Entrega del carné de control (15’ enantes de la hora teórica de salida).

  • 08:30 hores. Plaza España

            Salida del 1er participante

            Entama la 1ª Seición

         Itinerarios

  • 9:18 hores 1er Participante Tramu cronometraáu 1: Tamón - Serín
  • 9:56  hores 1er  Participante Tramu cronometráu 2: Ferroñes - Corvera
  • 11:49 hores 1er Participante Tramu cronometráu 3: Tamón - Serín
  • 12:27 hores 1er Paticipante Tramu cronometráu 4: Ferroñes - Corvera
  • 15:42 hores 1er Participante Tramu cronometráu 5: La Peral - Riberas
  • 16:18 hores 1er Participante Tramo cronometráu 6: La Corrada - La Lloba
  • 17:54 hores 1er Participante Tramu cronometráu 7: La Peral - Riberas
  • 18:30 hores 1er Participante Tramo cronometráu 8: La Corrada - La Lloba

  • 19:30 hores. Plaza España

            Llegada 1er participante

            FIN DE RALLYE

  • 20:45 hores. Plaza España

            Entrega trofeos

  • Deportes

También te puede interesar...