Contacto

Dende güei hasta'l día 30 d'esti mes de payares entama una campaña nueva pa puxar pol comerciu llocal que lleva'l nome de "La sonrisa de la to ciudá", organizada pola Unión de Comerciantes d'avilés y Comarca (UCAYC), col sofitu del Conceyu d'Avilés. 

Los díes nos que dure la campaña, los comercios van entregas a les y los sos clientes "RASCAS" por cada compra que faigan. Cada comerciu decide la cantidá que va dar. Los RASCAS que tienen premiu son de 10, 20 40 euros y ún especial de 250€. Los que nun tengan premiu llevarán la frase "gracias por comprar en el comercio de tu ciudad" Los RASCAS premiaos con perres, tienen que gastase nel mesmu comerciu onde ganó'l premiu, nesi momentu o durante les 24 hores dempués de la compra premiada. Los rascas que nun tengan premiu nun hai de tiralos, porque pueden entrar nun sortéu de 250 euros. 

Nesta campaña participen 120 establecimientos d'estayes diferentes d'actividá (ropa, zapatos, complementos, llar, informática, deportes, xoyería, perfumeríes, óptiques, confiteríes, etc) y el so lema "La sonrisa de la to ciudá" fai referencias a lo importante que ye'l comerciu cercanu pa mantener l'allegría na ciudá, en tolos entornos urbanos.