Contacto

La conceyalía d'Igualdá del Conceyu d'Avilés va poner tol branu'l "Puntu Lila: información escontra les agresiones sexistes", como un espaciu  seguru d'información pa les muyeres. Tará nel parque d'El Carbayedo dende'l 25 de xunu y tará hasta'l 10 de setiembre. 

Esti proyeutu ta dientro la campaña municipal escontra les agresiones sexistes que lleva'll lema  "Sólo sí ye sí", y que se financió con cargu a los créditos que recibió'l Ministeriu d'Igualdá, Secretaría d'Estáu d'Igualdá y escontra la violencia de Xéneru. 

Dende'l 2016 ficiéronse campañes específiques feches pel branu y en momentos festivos puntuales, como son les fiestes navideñes, l'antroxu o les fiestes d'El Bollo. 

El Puntu Lila tará nel parque d'El Carbayedo en xunu, xunetu y agostu, y atendíu por profesionales y voluntaries de l'asociación Xurtir, nestos horarios. Del 25 al 30 de xunu. Sábados de 23.30 a 3.30 hores

• Del 25 al 30 de xunu. Sábados de 23.30 a 3.30 hores.

• Del 5 al 27 d'agostu. Vienres y sábados, de 23.00 a 4.00 hores.

En setiembre, el Puntu Lila tará tamién en Versalles, coincidiendo coles fiestes del barriu. Y tendrá estos horarios:

• Versalles. 2 y 3 de setiembre, de 23.00 a 4.00 hores.

• Parque d'El Carbayedo, 9 y 10 de setiembre, de 23.00 a 4.00 hores. 

Nel Puntu Lila podrá dise non solo a información y asesoramientu, sinón tamién a material de difusión de la campaña "Solo sí ye sí". Hai tamién un númberu de teléfonu de consulta, el 696 943 501 y creáronse etiquetes diferentes pa la so difusión a través de las redes sociales: #aviléslibredeagresionessexistas #avilesenigualdad #SoloSíesSí.

Recomendaciones

La información que se va repartir na campaña tien información d'interés respeuto a lo qu'hai de facer si se ta viendo o se sabe qu'hai un ataque sexista, llamando a facer dalgo: "Nun quedes al marxen, actúa" . Les recomendaciones son éstes:

• Si pienses que tán atacando a una persona, vete pa onde ella. Pregúnta-y si ta bien y si necesita ayuda.
• Pide ayuda a los y les profesionales, ye importante dase prisa. Llama a la Policía Nacional (091) o la Guardia Civil (062) o al Serviciu d'Emerxencies del Principáu d'Asturies (112). Tienes que saber qu'avisar a estos profesionales nun quier dicir que se tea denunciando lo que pasa y podrás recibir les sos indicaciones.
• Ten en cuenta lo que supón el recursu del Centru de Crisis pa Víctimes d'Agresiones sexuales, como serviciu d'atención inmediata y especializada a muyeres víctimes d'ataques sexuales dientro'l territoriu del Principáu d'Asturies les 24 hores de los 365 días del añu: 677 985 985; centrodecrisis@asturias.org
• Si ye que pudisti ver a la persona o les personas atacantes, lleva a la Policía o Guardia Civil lo primero que puedas estos datos: la ropa que llevaba, matrícula de coche... Ensin usar enxamás a la víctima como fonte d'esta información.
• Afáya-y a la víctima un espaciu de seguridá  y intimidá mientres espera.
• Nun dexes a la víctima sola hasta que llegue una persona de la so confianza o profesionales.
• Ye importante que la víctima nun se cambie de ropa nin se llave'l cuerpu nin la boca, pa poder asina preservar les pruebes. Tampoco se debe alterar el sitiu onde foi l'ataque.
• Si la víctima nun tien teléfonu, déxa-y el tuyu pa que contacte con daquién en quien tenga confianza.
• Intenta calmar a la víctima, pero nun-y faigas preguntes polo que pasó.
• Trata, tol tiempu la información con responsabilidá y confidencialidá, nun andes contándolo a naide.