Cultura
La Estaya de la Llingua participa na Nueche Blanca con un conciertu y alcuentru col grupu Algaire
07 jun. 2023
Premiu Camaretá al Meyor Cantar 2022 por "Coral y maera", que da nome al so primer discu, l'espectáculu ta dientro'l ciclu Autores nel Camín, d'Asturies Cultura en Red


 

Algaire, una de les grandes revelaciones de la música asturiana, Premiu Camaretá al Meyor Cantar 2023 de la Conseyería de Cultura del Gobiernu d'Asturies, llega a Avilés de la mano de la Estaya de la Llingua, que se xune un añu más a les celebraciones de la Nueche Blanca. La banda mierense va ufrir un conciertu y un alcuentru col públicu, nel Espaciu Escénicu de la Factoría Cultural, pasáu mañana, vienres 9 de xunu, a les 19.30 hores.

L'espectáculu ta dientro'l ciclu Autores nel Camín, d'Asturies Cultura en Rede, que promociona l'arte y la cultura asturiana en toles sos dimensiones.

Algaire son Loreto Suárez, panderetera y gaitera; Carla Miranda y Iratxe Espina, qu'aporten voz y percusión, y Juan Yagüe a la guitarra. En 2022 sacaron el so primer trabayu discográficu, "Coral y Maera", títulu tamién de la canción cola que se ficieron col XIV Camaretá al Meyor Cantar. Un 2022 nel que triunfaron nel Festival de Lorient.

La so música recueye lo meyor de la tradición asturiana, y vístese con un aire de mestura, llaráu de pop, rock, músiques urbanes y ritmos llatinos. Y nes sos lletres, que nun escuenden la so carga reivindicativa, tola fuerza de la llucha de les muyeres.

La entrada ye llibre hasta completar aforu.

  • Cultura

También te puede interesar...