Persones y Bienestar
La Plataforma del Voluntariáu d'Asturies presenta l'Observatoriu del Voluntariáu
19 may. 2022
L'envís ye'l de promover el conocimientu y la sistematización de l'aición voluntaria y la participación social

Güei pela mañana, el conceyal de Participación Ciudadana y Cooperación Internacional, Jorge Luis Suárez alonso, presidió la presentación del Observatoriu del Voluntariáu del Principáu d'Asturies, nel slón d'actos del Centru de Servicios Universitarios nel aconceyamientu cola Mesa Llocal del Voluntariáu d'Avilés. 

Nel actu participaron integrantes de la Plataforma del Voluntriáu d'Asturies xunto colos miembros de la mesa Llocal del Voluntariáu d'Avilés, representantes de les entidaes de voluntariáu del Conceyu. 

L'Observatoriu del Voluntariáu del Principáu d'Asturies quier fomentar el conocimientu y la sitematización de l'aición voluntaria y la participación social. Busca'l compromisu per aciu de la coordinación de los distintos actores sociales, públicos y privaos concertaos. 

Ye una iniciativa pola que puxa la Plataforma del Voluntariáu d'Asturies que tien el sofitu del Principáu d'Asturies. Nesti proyeutu va collaborar la Oficina Municipal del Voluntariáu d'Avilés p'algamar los oxetivos que vienen darréu: 

  • Estudiar y analizar la información que dexe meyorar el conocimientu de la situación del voluntariáu na comunidá autónoma, pa poder tomar meyores decisiones nel diseñu y desenvolvimientu de polítiques en materia de voluntariáu. 
  • Tener información actualizada pa poder orientar a los organismos públicos competentes en materia de planificación y xestión del voluntariáu dientro de les sos funciones. 
  • Sistematizar, editar, publicar y esparder la información qu'hai del voluntariáu pa sensibilizar y valorar el llabor fechu poles entidaes de voluntariáu y les persones voluntaries d'Asturies. 

La Mesa Llocal del Voluntariáu constituyóse el 25 de xunu de 2020, ye una ferramienta plantegada dientro del Plan Estratéxicu del Voluntariáu d'Avilés. Ye un espaciu común pal alcuentru, refelxón, discutiniu, coordinación y puxu pol trabayu en rede y como mediu p'aforrar recursos. 

  • Personas y Bienestar

También te puede interesar...