Igualdá
Les asociaciones de muyeres podrán solicitar ayudes pa les sos actividaes hasta'l 8 d'agostu que podrán ser como muncho d'hasta 3.000€
07 jul. 2022
El presupuestu que tien el Conceyu d'Avilés pa estes ayudes ye de 19.000€ pal funcionamientu y pa proyeutos

El Boletín Oficial del Principáu d'Asturies (BOPA) sacó la convocatoria del Conceyu d'Avilés pa solicitar subvenciones p'asociaciones de muyeres y vocalíes o estayes de la muyer. Hai de plazu hasta'l 8 d'agostu. El presupuestu que tienen estes ayudes ye de 19.000 euros con cargu a los presupuestos municipales. 

Pueden participar nesta convocatoria toles Asocicaciones, coles sos Vocalíes y/o Seiciones, con personalidá xurídica propia, formaes llegalmente, que tán apuntaes nel Rexistru Municipal d'Asociaciones y entidaes Ciudadanes y que desenvuelven la so actividá xeneral nel Conceyu d'Avilés, desendolcando proyeutos y actividaes, importantes pa la población avilesina. 

Los oxetivos y l'envís que se pretenden algamar con estes ayudes ye que les asociaciones y entidaes espoxiguen y medren con proyeutos y actuaciones que defiendan los intereses de les muyeres del Conceyu d'Avilés. 

Podrán presentase solicitúes de subvención nestes  modalidaes:

a) Modalidá de mantenimientu, pa pagar gastos derivaos del funcionamientu xeneral de la entidá.

b) Modalidá de proyeutos.

El presupuestu pa esto ye de 19.000 €, dando como muncho 3.000 € a cada entidá beneficiaria en casu de proyectu y de 300 € en casu de mantenimientu.

El plazu pa presentar les solicitúes termin'al 8 d'agostu.

  • Igualdad

También te puede interesar...