Mantenimientu y Vía Pública
Los colexos de Versalles y La Xungarosa/El barrio de La Luz pondrán lluces nueves con 1.164 bombilles LED p'aforrar 4.400 €/añu
06 jul. 2022
Esto ta financiao nun 80% con fondos FEDER

El Conceyu d'Avilés sacó llicitación un contratu pal suministru y obres pa poner lluces nueves nes escueles de los barrios de Versalles (CEIP Marcos del Torniello y CEIP Versalles) y La Xungarosa/El barrio de La Luz (CEIP Poeta Juan Ochoa) sustituyendo les bombilles vieyes de siempre por bombilles LED, que costaron en totasl 299.472 euros. L'actuación ta pagada nun 80% pol fondu Européu de Desarrollu Rexonal (FEDER 2014-2020), nel marcu la Estratexa Integrada de Desarrollu Sostenible (EDUSI). Llinia d'Actuación 5. 

El contratu ta dividíu en dos lotes: 

  • Lote 1: Poner bombilles LED nes escueles públiques del barriu de Versalles (198.931,93 euros)
  • Lote 2: Poner bombilles LED nes escueles públicques de La Xungarosa/El barriu de La Luz (100.540,80 euros)

 Les empreses interesaes nesti contratu tienen hasta'l 28 de xunetu pa presentar les propuestes,

En total van ponese 1.164 bombilles LED nes distintes modalidaes pa la meyora de la eficiencia enerxética lo que supondrá aforrar nel mantenimientu y consumu y tamién na potencia. Esti aforru supón tamién una rebaxa de la factura añal, amás de meyorar la calidá de la lluz. l Conceyu prevé con esti contratu actuar nos edificios públicos destinaos a usos na escuela nel ámbitu que marquen los Fondos Feder, barrios de Versalles y La Xungarosa/El barrio de La Luz.

Por centros la instalación de las lluces LED ye ésta:

  • CEIP Marcos del Torniello (352 bombilles)
  • CEIP Versalles (437 bombilles)
  • CEIP Poeta Juan Ochoa (375 bombilles)

Según les auditoríes enerxétiques feches nos tres centros educativos, poner bombilles LED supondrá aforrar unos 4.400 euros al añu y evitar echar al aire más de 10 tonelaes de CO2 al añu.

  • Mantenimiento y Via Publica

También te puede interesar...