Deportes
Los partíos de competición del Belenos Rugby Club de la División d'Honor van xugase nel "Yago Lamela"
30 jun. 2022
La conceyala de Deportes y el presidente del club presentaron güei pela mañan l'alcuerdu qu'algamaron, acompañaos pol presidente de l'Atlética Avilesina. Sedrá compatible colos entrenamientos d'otres entidaes deportives, asina como con otres competiciones.


 

Na temporada deportiva 2021/2022, la entidá deportiva avilesina, Belenos Rugby Club, xugó los sos partíos de la División d'Honor B nel "Campu Muro de Zaro". Pa ello, la Federación Española de Rugby (FER) tuvo qu'emitir el certificáu correspondiente d'Homologación con fecha de 15 de xunetu de 2019 que valía ahsta'l 9 de xunetu de 2021. Al xubir de categoría ye necesario cumplir con otros requisitos d'homologación pa la nueva.  

La visita que se fizo al Estadiu Yago Lamela sirvió pa que la FER confirmara la posibilidá real d'homologar la yerba d'esti campu d'atletismu, pa que seya'l sitiu onde se xueguen los partíos d'esta División d'Honos, al cumplir colos requisitos pa ello. De toes formes hai de facer estes igües: 

Protexer les pistes d'atletismu:

Poner valles y tapar la pista d'atletismu per onde entren y salen los xugadores al campu y tamién nos banquillos. 

  • Poner recoyepelotes alredor del campu pa que los xugadores nun tengan qu'entrar a la pista

Seguridá pa los xugadores

  • Tapar los cuadros eléctricos que tán nes esquines del campu.
  • Protexer los perfiles verticales de les puertes de la xaula de llanzamientos.
  • Desmontar los topes qu'hai nos redondeles pa los llanzamientos de pesu.

Mantenimientu

  • Mantenimientu de la yerba pa esti deporte, que ye difierente pa otros.
  • Deportes

También te puede interesar...