Educación
Los Telecentros d'Avilés organicen el concursu veraniegu "Busca el objeto perdido" nel so perfil de Facebook
05 jul. 2022
Habrá 5 ganadores que tendrán de premiu un llápiz USB de 4 GB. Tolos sábados a les 10.00 hores.

Ye la dinámica nueva que los Telecentros d'Avilés tán organizando nel so perfil oficial de Facebook pa facer más prestosu'l veranu. Hasta'l 3 de setiembre incluyíu, tolos sábados a les 10:00 hores publicarán un retratu onde tarán escondíes copies de logotipos que tengan rellación cola informática y, cinco veces, tamién se va esconder una cosa rellacionada cola informática que va tener premiu. 

Toles persones a les que-yos pete que seyan mayores de 14 años y vivan n'España van poder participar, pero tienen que tener un perfil de Facebook y siguir la páxina oficial de los Telecentros https://www.facebook.com/telecentrosaviles . Pa poder llevar un premiu ye necesario, amás de tolo d'enantes, haber compartío y dao'l préstame a la publicación; tamién haber comentao'l retratu que se xubió, diciendo qué cosa ye la que ta escondida y seya la que ye de verdá. 

Esti xuegu fadráse diez sábados y entotal van publicase diez retratos onde tarán escondíes siete copies d'un logotipu anunciáu. En cinco d'elles esconderáse una cosa rellacionada cola informática. La primer persona que lu encuentre ganará'l llapiz USB de 4 GB. 

En terminando'l concursu, habrá 5 ganadores. Una persona que gane una vez yá nun puede ganar más veces. Si ye que pasa esto, el premiu sedría pa la segunda persona qu'acertare y cumpliere colos requisitos. 

La participación en "Busca el objeto perdido" implica haber lleído y aceutao les bases del concursu.

*Enllaz direuto a les bases:

https://aviles.es/documents/20124/1009444/DEFINITIVAS_Bases+legales+del+concurso+en+Facebook.pdf/bbd72ae1-3dff-bffb-7dc8-2816adb77b44?t=1657012411372

  • Educación

También te puede interesar...