Educación
Mañana vienres yá se puede dir apuntándose a les actividaes extraescolares pal cursu 2022 / 2023
11 ago. 2022
Hai dos trámites diferentes p'apuntase n'actividaes culturales y p'actividaes deportives, que va ser la primer vez que seya la Fundación Deportiva Municipal quien les xestiones. Puede apuntase alumnáu escolarizáu y/o empadronáu n'Avilés independientemente del centru nel qu'estudie, y sea cual seya'l centru onde se faiga l'actividá.

El Conceyu d'Avilés va abrir mañana vienres, día 12 d'agostu'l plazu p'apuntase a les actividaes extraescolares que se van facer nel cursu 2022 / 2023. Na páxina web municipal (www.aviles.es) puede, vese les bases de la convocatoria y tamién se puede facer la tramitación online de les solicitúes, que se van poder presentar mañana vienres. Hai 19 actividaes culturales  y 11 deportives onde se va poder apuntar alumnáu escolarizáu y/o empadronáu n'Avilés independientemente del centru nel qu'estudie, y da igual el sitiu onde se faiga.

Nestos enllaces podrá atopase tola información p'apuntase: 

Les persones que necesiten que-yos echen un gabitu p'apuntase telemáticamente, pueden dir a los Telecentros que tienen peronal preparáu p'ayudar nello:

  • Telecentru Avilés I: c/ Marcos del Troniello, nu 34. Teléfonu: 985 12 90 30
  • Telecentru Avilés II: Centru d'Empléu Europa (Avenida de Oviedo nu 9). Teléfonu 985 12 98 04

Tamién pueden apuntase presencialmente, na Oficina d'Asistencia en Materia de Rexistros (OAR, antiguu Serviciu d'Atención Ciudadana SAC) de la Casa Conceyu que ta na Plaza España o nel edificiu El foco de Villalegre, o tamién de cualqueir forma que tea prevista nel artículu 16.4 de la Llei 39/2015 de 1 d'ochobre, del Procedimientu alministrativu Común de les Alministraciones Púbiques Pueden solicitar la matrícula'l padre, madre tutor o tutora o quien tenga la guarda y custodia de los y les menores que tean escolarizaos/es y/o empadronaos/es n'Avilés nel cursu 2022-2023. Independientemente d'onde estudie y puede apuntase n'actividá que-y pete y nel Centru educativu que quiera. Podrán pidir tamién descuentos sobre les actividaes que podrán ser del 30, el 50 o0l 80%.

Pa calcular estos descuentos habrá que tener en cuenta:

  • Actividaes culturales: el valor del IPREM del añu 2021
  • Actividaes deportives: el valor del Salariu Mínimu Interprofesional qu'hubiere nesi momentu nel que s'aprobaron les bases.  

 

 

 

  • Educación

También te puede interesar...