Persones y Bienestar
Martes y xueves, díes de Tai Chi y actividá física al aire
02 jul. 2022
Apuntase ye de baldre y hai de facelo'l mesmu día de l'actividá

La Conceyalía de Ciudá Saludable entama'l programa d'Actividá Física al Aire Llibre'l martes 5 de xunetu nos parques biosaludables del conceyu. Los exercicios van facese en xunetu y agostu, en sesiones d'una hora adautándose a les persones que tean nel grupu. 

Tolos martes y xueves les persones que participen, mayores de 18 años, podrán escoyer ente facer exerciciu físicu moderáu al aire  o Tai Chi. Les dos actividaes tienen un equipu de monitores. Apuntase ye de baldre nos dos casos y solo sedrá necesario dir onde se faiga l'actividá.

Exerciciu al Aire

Tolos martes y xueves de xunetu y agostu de 10.00 a 11.00 hores nos parques biosaludables de: Les Meanes, Versalles, El Pozón, L'Alfaraz y Valliniello.

Ye un exerciciu físicu suave adautáu a toles persones. Asina van poder prevenir la perda de masa muscular, fortalecer les articulaciones y aumentar la capacidá respiratoria. 

Tai Chi al Aire

Empieza'l martes 5 de xunetu y termina'l xueves 11 d'agostu. Sedrá los martes y xueves de 11.00 a 12.00 hores nos Xardines de Servicios Sociales (C/Galiana, 11).

Facer esta actividá meyora l'equilibriu, previén la perda de masa muscular, fortalez les articulaciones y aumenta la capacidá respiratoria. Lo mesmo que l'actividá física nos parques, ye un exerciciu físicu suave. 

Científicamente ta claro que l'exerciciu ye perbono pa la vida y ye una de les intervenciones non farmatolóxiques pa puxar pola salú pa les persones de toles edaes. 

Dende los Programes de Salú de la Conceyalía de Ciudá Saludable del Conceyu d'Avilés promuévese a lo llargo tol añu actividaes pa la población d'Avilés pa facer exerciciu físicu al aire nes instalaciones de los parques biosaludables. 

  • Personas y Bienestar

También te puede interesar...