Contacto

La Sección de Formación y Empléu sigue cola llínea estratéxica d'establecer  convenios de collaboración col texíu empresarial.  Esta actuación ye prioritaria pal Conceyu d'Avilés yá que se basa nel analís estratéxicu de demanda del texíu empresarial de perfiles profesionales pa incorporar a curtiu y mediu plazu. Estos convenios concrétense nel diseñu d'aiciones formatives pa evitar que puedan producise vacantes o dificultaes pa disponer de determinaos perfiles profesionales que puedan acuartar l'afitamientu empresarial na nuesa contorna de determinaos sectores destacaos.

Con esti fin diseñóse'l cursu de "Operariu/a de Calderería y Ensamblaxe de Torres Eóliques" col que pretende formase a 15 persones desemplegaes na fabricación, montaxe y arreglu d'elementos de calderería y nel ensamblaxe de torres eóliques.

Los requisitos pa poder realizar esta formación son:

Acreditar formación nel sector del Metal (Certificaos de Profesionalidá, Ciclos Formativos), principalmente calderería.

 Acreditar esperiencia llaboral en calderería, montaxe industrial, estructures metáliques o soldadura.

La temporalización de la formación ye ésta:

            - Duración: 364  hores

            - Formación teórica: 164 hores

            - Práctiques non llaborales n'empresa: 200  hores

            - Día qu'entama: 26 de setiembre de 2022

            - Día que termina: 23 d'avientu de 2022

            - Nº participantes: 15

            - Modalidá: presencial

   Conteníos Formativos:

Prevención de Riesgos Llaborales: Formación d'oficiu pa caldereros/es (20 hores)
Prevención de Riesgos específicu de caldereru/a de torres eóliques (4 hores)
Seguridá nel manexu de la ponte grúa (20 hores)
Seguridá nel manexu de la plataforma elevadora (8 hores)
Seguridá en trabayos n'altura (4 hores)
Sensibilización Medioambiental y Xestión de residuos (8 hores)
Calderería, ensamblaxe de torres eóliques y montaxe de clips internos (60 hores)
Práutiques de calderería y ensamblaxe de torres eóliques (40 hores)
Práutiques non llaborales en llinia de calderería y ensamblaxe de torres eóliques (200 hores)

Esti cursu enmárcase dientro'l conveniu robláu ente'l Conceyu d'Avilés y FEMETAL nel añu 2021. La formación dispón d'un compromisu de contratación del 60% de les persones que terminen aptes n'aición formativa, por un tiempu de 6 meses.

El procesu de seleición pa participar nesti cursu va facese a  lo cabvero del mes de xunu  pa poder escoyer a 15 persones con conocimientu en calderería y muncha motivación pa trabayar nel sector del metal.

Les persones interesaes pueden apuntase rellenando'l   Formulariu que s'atopa en www.aviles.es o bien llamando al Centru de Empléu Europa con númberu de teléfonu 985.51.14.77 - 985.12.91.10