Contacto

Un mural cerámicu fadrá un homenaxe a l'asociación Es Retina Asturias nel parque de Las Menas/Les Meanes. Sedrá a partir de güei miércoles 25 de mayu, dempués de que lu inaugurara l'alcaldesa d'Avilés, Mariví Monteserín y la conceyala de Promoción Social, Nuria Delmiro. Ye un regalu de la ciudá a esta entidá d'usu públicu, que tien l'enfotu n'ayudar a persones que tienen Retinosis Pigmentaria y enfermedaes dexeneratives de la retina heredaes que dexen ciegues a les persones que les tienen. 
El mural yá se presentó a Es Retina Asturias nel actu que festexaba'l so 30 aniversariu, el día 16 d'ochobre de 2021 nel Auditoriu de la Casa la Cultura, coincidiendo col Día Mundial de la Visión. Nesti mesmu eventu fízose-y un homenaxe al presidente de la entidá, Andrés Mayor Lorenzo. 
Dende güei esti mural tará espuestu pa que tola ciudadanía lu vea nun de los sitios pelos que pasa más xente n'Avilés: el arque de Las Meanas/Les Meanes. Agora pue vese y tocase, porque tine 95 pieces con relieve pa que se puedan sentir al tocales. 

El güeyu humanu ye'l motivu artísticu común de les 95 pieces, feches por otres tantes persones sobre too na Nueche Blanca de 2021. El resultáu de la so xuntura ye un un mural con midíes de 155 x 85 cm, formáu por pieces en gres blanco decoraes sobre too con furruños naturales (fierro, manganesu, furruñu colorante).

La téunica de decoración usada sobre too ye'l baxu relieve, emplegáu con tola intención pa que se pueda tocar y sentir. En dellos casos usóse la serigrafía cerámica, asina como l'esmaltáu en blancu. Les pieces tán cocíes a 1.100ºC en fornu eléctricu.