El to Conceyo
Reconocimientu a 100 trabayadores del Conceyu d'Avilés que se retiraron en 2019, 2020 y 2021
25 may. 2022
La alcaldesa Mariví Monteserín agradeció públicamente'l so llabor y profesionalidá al serviciu de la ciudadanía d'Avilés


 

 

L'alcaldesa d'Avilés, Mariví Monteserín, presidió esti miércoles l'actu de reconocencia y dispidía a los y les trabayadores municipales que se retiraron nos años 2019, 2020 y 2021, un cientu. Nel actu participaron el conceyal de Recursos Humanos, Raúl Marquínez y varios miembros de la Corporación municipal. La ceremonia tuvo a cargu de Juanita Zapata y Aleida Gallardo, periodistes en práutiques nel serviciu de Comunicación del Conceyu d'Avilés. 

Como regalu y agradecimientu por parte del Conceyu d'Avilés, Monteserín y Marquínez diéron-yos un reló. L'alcaldesa reconoció públicamente'l so llabor y la so profesionalidá al serviciu de la ciudadanía avilesina durante munchos años. 

Na so intervención, l'alcaldesa resaltó'l llabor d'estos y estes trabayadores en facer una sociedá nueva, un Avilés más modernu qu'algamó más derechos pa la ciudadanía. 

Llista de  trabayadores que se retiraron en 2019:

  1. Pilar Rubio González. Auxiliar Alministrativu nel Serviciu d'Intervención dende marzu de 1974. 45 años de serviciu.

  2. Ángel Manuel Menéndez Fernández. Operariu d'Oficios Varios y Ordenanza de 2ª actividá nos Servicios Téunicos dende xunetu de 1976. 43 años de serviciu.

  3. José Ortiz Bonilla. Operariu d'Oficios Varios y Ordenanza en los Servicios Téunicos dende xunetu de 1976. 43 años de serviciu.

  4. Manuel Gómez Mendoza. Notificador en Secretaría dende abril de 1977. 42 años de serviciu.

  5. José Aguilar Cordero. Policía Llocal d'Avilés dende payares de 1979. 40 años de serviciu.

  6. José Luis Fernández González. Policía Llocal d'Avilés dende xunu de 1980. 39 años de serviciu.

  7. Emilio González García. Subinspector de la Policía Llocal d'Avilés dende xunu de 1980. 39 años de serviciu.

  8. Pilar Ponton Domínguez. Secretaria Xeneral del departamentu de Secretaría dende avientu de 1980. 39 años de serviciu.

  9. Francisco Rico Reyes. Ordenanza de Recursos Humanos dende abril de 1980. 39 años de serviciu.

  10. Francisco M. Fernández Álvarez. Xefe del Equipu d'Alumbráu nel departamentu de Mantenimientu dende abril de 1981. 38 años de serviciu.

  11. Mª José Fernández Arcones. Periodista nel departamentu de Comunicación dende marzu de 1981. 38 años de serviciu.

  12. Aquilino Ginés Ginés Muñiz. Policía Llocal d'Avilés dende mayu de 1982. 37 años de serviciu.

  13. José Antonio González Suárez. Policía Llocal d'Avilés dende mayu de 1982. 37 años de serviciu.

  14. Inmaculada Martín Ingelmo. Auxiliar alministrativu nos Servicios Téunicos dende setiembre de 1982. 37 años de serviciu.

  15. José María Peñín Rodríguez. Sarxentu de la Policía Llocal d'Avilés dende mayu de 1982. 37 años de serviciu.

  16. Fernando Perujo Cordero. Policía Llocal d'Avilés dende mayu de 1982. 37 años de serviciu.

  17. Víctor Manuel Rodríguez Alonso. Intendente de la Policía Llocal d'Avilés dende mayu de 1982. 37 años de serviciu.

  18. José Mª Tato Novas. Ordenanza de 2ª actividá en Recursos Humanos dende mayu de 1983. 36 años de serviciu.

  19. Pilar Covadonga González Bueres. Interventora nel departamentu d'Intervención dende agostu de 1984. 35 años de serviciu.

  20. Flor Mª Rodríguez Lázaro. Policía Llocal d'Avilés dende marzu de 1984. 35 años de serviciu.

  21. Emilio Alejandro Alonso Velilla. Policía Llocal d'Avilés dende setiembre de 1985. 34 años de serviciu.

  22. Carlos Raimundo Andrés Busto. Policía Llocal d'Avilés dende xineru de 1985. 34 años de serviciu.

  23. José Manuel Córdoba Medina. Oficial d'Oficios Varios nos Servicios Téunicos dende ochobre de 1985. 34 años de serviciu.

  24. Rafael Fernández Urízar. Policía Llocal d'Avilés dende setiembre de 1985. 34 años de serviciu.

  25. Mª Dolores Moro Alonso. Téunicu d'Educación Ambiental na estaya de Mediu Ambiente de los Servicios Téunicos dende agostu de 1985. 34 años de serviciu.

  26. José Manuel Roldán Castro. Suboficial Axuntu de la Policía Llocal d'Avilés dende setiembre de 1985. 34 años de serviciu.

  27. Faustino Ginés Menéndez López. Policía Llocal d'Avilés dende payares de 1986. 33 años de serviciu.

  28. Jesús Carlos Borrego Sánchez. Policía Llocal d' Avilés dende xunu de 1988. 31 años de serviciu.

  29. Rufino Cano Menéndez. Subinspector de la Policía Llocal d'Avilés dende xunu de 1988. 31 años de serviciu.

  30. Benigno Luis Fernández Rodríguez. Bomberu dende abril de 1988. 31 años de serviciu.

  31. José Antonio González González. Policía Llocal d'Avilés dende xunu de 1988. 31 años de serviciu.

  32. José Ignacio Marinas Reguero. Policía Llocal d'Avilés dende xunu de 1988. 31 años de serviciu.

  33. Luis Enrique Martínez Gómez. Policía Llocal d'Avilés dende xunu de 1988. 31 años de serviciu.

  34. José Manuel Villabrille Graña. Policía Llocal d'Avilés dende xunu de 1988. 31 años de serviciu.

  35. José Manuel Gutiérrez Viña. Policía Llocal d'Avilés dende agostu de 1989. 30 años de serviciu.

  36. Juan Luis López Freije. Ordenanza de Recursos Humanos dende febreru de 1992. 27 años de serviciu.

  37. Mª Mairita González Morán. Auxiliar Alministrativu en Planeamiento, Comunicación y Cultura dende xineru de 1996. 23 años de serviciu.

  38. Ioulian Pechenyi. Profesor de Música nel Conservatoriu Municipal Profesional Julián Orbón na Fundación Municipal de Cultura dende ochobre de 2000. 19 años de serviciu.

  39. Xulio Albajes González. Ordenanza en Recursos Humanos dende setiembre de 2005. 14 años de serviciu.

  40. Celso Fernández González. Ordenanza en Recursos Humanos dende agostu de 2005. 14 años de serviciu.

  41. Jesús Manuel González García. Ordenanza en Recursos Humanos dende mayu de 2006. 13 años de serviciu.

Llista de trabayadores municipales que se retiraron en 2020:

  1. José Carlos Herrera Pazos. Encargado de Parques y Jardines na estaya de Mantenimientu dende xunetu de 1975. 45 años de serviciu.

  2. José Antonio Álvarez Fernández. Operari na estaya de Mantenimientu dende abril de 1977. 43 años de serviciu.

  3. María del Mar Muñiz Rodríguez. Serviciu d'Atención al Ciudadanu dende abril de 1977. 43 años de serviciu.

  4. Antonio Álvarez Bascones. Ordenanza en Recursos Humanos dende febreru de 1978. 42 años de serviciu

  5. Luis Tomás Esteban Siñeriz. Oficial na estaya de Servicios Téunicos dende xunetu de 1978. 42 años de serviciu.

  6. José Mª Álvarez Fernández. Policía Llocal d'Avilés dende xunetu de 1981. 39 años de serviciu.

  7. Antonia Ordoñez Suárez. Policía Llocal d'Avilés desde mayu de 1982. 38 años de serviciu.

  8. José Antonio Álvarez Girol. Policía Llocal d'Avilés dende setiembre de 1985. 35 años de serviciu.

  9. Ramón Antonio Vigil Sánchez. Oficial nel Cementeriu Municipal de La Carriona dende ochore de 1985. 35 años de serviciu.

  10. Emilio Fontaneda Riobello. Téunico Informáticu del Serviciu d'Informática dende agostu de 1986. 34 años de serviciu.

  11. María Cristina González Fernández. Educadora social nel departamentu de Promoción Social dende ochobre de 1989. 31 años de serviciu.

  12. Francisco de Asís Fernández González. Bomberu dende marzu de 1990. 30 años de serviciu.

  13. Rafael Martínez García. Ordenanza na Fundación Municipal de Cultura dende xineru de 1990. 30 años de serviciu.

  14. Manuel Jesús Villa Menéndez. Policía Llocal d'Avilés dende xineru de 1990. 30 años de serviciu.

  15. María José Fernández Insúa. Alministrativa del Serviciu de Turismu dende febreru de 1993. 27 años de serviciu.

  16. Mercedes González Solís. Téunica d'Educación Infantil na estaya d'Educación dende abril de 2004. 16 años de serviciu.

  17. José Manuel Álvarez González. Ordenanza na Fundación Deportiva Municipal dende xunu de 2005. 15 años de serviciu.

  18. María Carmen González Borges. Ordenanza en Recursos Humanos dende setiembre de 2007. 12 años de serviciu.

Llista de trabayadores que se retiraron en 2021:

  1. Rafael Bontempini Cortavitarte. Ordenanza en Recursos Humanos dende xunu de 1977. 44 años de serviciu.

  2. Gonzalo Suárez Fanjul. Xefe de Negociáu de Delineación de los Servicios Téunicos dende xunetu de 1977. 44 años de serviciu.

  3. Luis Manuel Campa Álvarez. Notificador del Serviciu de Secretaría dende ochobre de 1978. 43 años de serviciu.

  4. Juan Manuel García García. Ordenanza en Recursos Humanos dende abril de 1978. 43 años de serviciu.

  5. Antonio Narciso Herrera Pazos. Xefe d'Equipu de Mantenimientu dede ochobre de 1978. 43 años de serviciu.

  6. Ángel López López. Operariu de Mantenimientu dende xineru de 1978. 43 años de serviciu.

  7. José Torres Batún. Oficial nos Servicios Téunicos dende xunu de 1978. 43 años de serviciu.

  8. Avelino Álvarez Fernández. Operariu Especialista nos Servicios Téunicos dende abril de 1979. 42 años de serviciu.

  9. Manuel Arias Rodríguez. Ordenanza n'Alcaldía dende ochobre de 1978. 42 años de serviciu.

  10. José Alfredo Fernández González. Ordenanza en Recursos Humanos dende xineru de 1979. 42 años de serviciu.

  11. Adelaida Fernández Brañas. Responsable de Programes en Promoción Social dende xineru de 1981. 40 años de serviciu.

  12. Amalia Alonso Blanco. Xefa de la Unidá Xestora de Nómines en Recursos Humanos dende payares de 1982. 39 años de serviciu.

  13. Felicidad Álvarez López. Psicóloga en Promoción Social dende avientu de 1982. 39 años de serviciu.

  14. Julio Gallego Sánchez. Oficial nos Servicios Téunicos dende mayu de 1982. 39 años de serviciu.

  15. Antonio Jesús González Fernández. Auxiliar alministrativu nos Servicios Téunicos dende xunetu de 1982. 39 años de serviciu.

  16. María José Rivas Casas. Responsable d'Alministración Xeneral na Fundación Deportiva Municipal dende xunetu de 1982. 39 años de serviciu.

  17. Zoilo Serrano Cabello. Conserxe en Mercaos dende abril de 1982. 39 años de serviciu.

  18. Ana María Fernández Pico. Profesora de Pianu del Conservatoriu Municipal Profesional Julián Orbón a Fundación Municipal de Cultura dende xineru de 1983. 38 años de serviciu.

  19. Antonio Santeodoro Pedrero. Oficial nos Servicios Téunicos dende abril de 1983. 38 años de serviciu.

  20. Manuel Álvarez Rico. Policía Llocal d'Avilés dende xineru de 1995. 36 años de serviciu.

  21. José Manuel Barroso Vaz. Operariu nos Servicios Téunicos dende ochobre de 1985. 36 años de serviciu

  22. Luz María Rodríguez García. Xefa de la Unidá de Control y Fiscalización na Fundación Municipal de Cultura dende ochobre de 1985. 37 años de serviciu.

  23. María Covadonga Cienfuegos Álvarez. Archivera Municipal na estaya de Cultura dende marzu de 1985. 36 años de serviciu.

  24. Ángel J. Domínguez-Gil Juliana. Profesor de Cerámica na Fundación Municipal de Cultura dende ochobre de 1985. 36 años de serviciu.

  25. Rafael García García. Operariu nos Servicios Téunicos dende xunetu de 1985. 36 años de serviciu.

  26. Jesús Martínez Fernández. Policía Llocal d'Avilés dende febreru de 1985. 36 años de serviciu.

  27. Alfonso Medina Moreno. Policía Llocal d'Avilés dende setiembre de 1985. 36 años de serviciu.

  28. Santos Pérez Alonso. Policía Llocal d'Avilés dende setiembre de 1985. 36 años de serviciu.

  29. Asunción Fernández Méndez. Téunicu d'Acompañamientu Llaboral na estaya d'Emplegu dende agostu de 1986. 35 años de serviciu.

  30. René Muñiz Díaz. Auxiliar Alministrativu 'Informática dende payares de 1986. 35 años de serviciu.

  31. María Carmen Suárez Darriba. Auxiliar Alministrativu n'Intervención dende xunude 1987. 34 años de serviciu.

  32. Rosa Elena García Prado. Responsable del Programa d'Igualdá na estaya d'Igualdá dende agostu de 1988. 33 años de serviciu.

  33. Basilio Jerónimo de Paz. Direutor del Área de Mantenimientu nos Servicios Téunicos dende payares de 1988. 33 años de serviciu.

  34. Aurora Saiz Herbosa. Auxiliar Alministrativa n'Igualdá dende xineru de 1984. 33 años de serviciu.

  35. Mayte Revuelta de Guzmán Martín. Secretaria de Direición n'Alcaldía dende marzu de 1989. 32 años de serviciu.

  36. Manuel Álvarez Álvarez. Operariu Especialista nos Servicios Téunicos  dende abril de 1990. 31 años de serviciu.

  37. Mª José Fernández Matabuena. Monitora na Fundación Deportiva Municipal dende mayu de 1992. 29 años de serviciu.

  38. Jesús Miranda Álvarez. Profesor de Cerámica na Fundación Municipal de Cultura dende mayu de 1993. 28 años de serviciu.

  39. Rosa Mª Muñiz Gutiez. Secretaria Grupos Políticos nel Partíu Socialista Obrero Español dende setiembre de 1994. 27 años de serviciu.

  40. José Alberto Pedreira Soto. Operariu en Mantenimientu dende xunu de 2002. 19 años de serviciu.

  41. Jesús Gregorio Castañón Loche. Profesor de Cerámica na Fundación Municipal de Cultura dende mayu de 2008. 13 años de serviciu.

Intervención de l'alcaldesa d'Avilés, Mariví Monteserín, del actu de reconocimientu pa los y les trabayadores municipales que se retiraron en 2019, 2020 y 2021

¡Qué allegría poder celebrar otra vegada más esti actu de reconocencia de toles persones que terminestis la vida llaboral y profesional nel Conceyu d'Avilés!

Hai tres años celebrábamos esti mesmu actu nel Salón de Receiciones del nuesu Conceyu. Naide podía imaxinar que nun podríamos volver xuntanos hasta 3 años dempués, por cuenta d'una pandemia, entá presente nes nueses vides, que tamos superando dende esi compromisu coleutivu que siempres nos carauterizó como sociedá.

Güei escoyimos esti auditoriu de la Casa de Cultura d'Avilés pa reconocevos el vuestru llabor profesional nesti Conceyu hasta que vos retirestis nos años 2019, 2020 y 2021. Sois 100 persones, lo que prácticamente supón camudar tola piel de l'Alministración.

La mayoría empecestis a facer los vuestros  servicios nel Conceyu d'Avilés nes décades de los años 70 y los 80. Representáis a la xeneración que ye'l pegoyu d'una nueva sociedá capaz de terminar la etapa más escura de la nuesa historia, y de construyir un país nuevu, una comunidá autónoma nueva y una ciudá nueva, conquistando derechos pa les persones que paecíen inalcanzables naquellos años 70.

N'Avilés, n'andecha, supimos convertir aquella ciudá dependiente de la gran fábrica, nuna sociedá moderna, que tresformó les sos singularidaes en fortaleces, y afitó servicios que güei nos dexen, magar de tolos problemes que vive'l nuestru mundu, mirar al futuru con optimismu.

Un llabor nel qu'esti Conceyu foi ún de los principales actores de modernización, y los y les sos trabayadores, cada cual dende la so responsabilidá, fuistis palanca d'esti gran cambiu social, económicu y urbanu.

Avilés siempres destacó por ser cabezalera en polítiques y servicios, anovando en propuestes y programes, y llogrando inclusive ser pioneros nel nuestru país. Ser una ciudá cabezalera esixó de los sos emplegaos de les sos emplegaes municipales un especial compromisu. Y siempres lu atopemos na vuesa actitú, dedicación y exemplu de serviciu públicu. Ensin la vuestra vocación y enfotu, Avilés nun lo consiguiera.

El nuestru presente ye una obra coleutiva qu'empecipió la vuestra xeneración, y que siempres va llevar la vuestra güelga. Tenemos munchos retos per delantre qu'esixen lo meyor de les nueses capacidaes. Dexestis el llistón bien altu pa los emplegaos y les emplegaes municipales que tán agora. Tuvieron a los y les meyores profesionales como exemplu.

Esti ye un reconocimientu que vos ufierta tola ciudá d'Avilés, que va más p'allá del ciñu que vos tenemos tolos compañeros y toles compañeres que tuvimos la suerte de compartir un mesmu compromisu al mandu d'esta alministración.

Una etapa nueva ábrese nes vuestres vides. Una etapa d'espoxigue personal, na qu'asumís el lideralgu que ye ser la voz de la esperiencia. Agora tócavos esfrutar de los vuestros munchos años de trabayu, conquista d'esi gran pactu social que güei nomamos  Estáu del Bienestar y que ye la base de la nuestra democracia.

Nun quiero terminar ensin recordavos que nunca escaezáis qu'esta ye la vuestra casa. Equí pasestis una parte bien importante de la vuestra vida, y dao lo meyor de vós, siendo protagonistes activos del cambiu d'Avilés.

Munches gracies polos vuestros años de serviciu. Quiero tresmitivos el mio sinceru deséu, compartíu por tolos compañeros y toles compañeres d'esta casa, de que sigáis esfrutando del too de la vida.

Siguíi faciéndonos parte de los nuevos ésitos y llogros vitales que, toi segura, vais siguir algamando nel futuru.

Por too ello, por tantes coses... ¡Munches gracies de tou corazón!
 

 

 

  • Tu Ayuntamiento

También te puede interesar...