Fiestes y Festexos
Tradición, música, confraternización y cultura tomen Avilés nes Fiestes d'El Bollo 2023
25 mar. 2023
El prestixosu productor de televisión avilesín, José Velasco, lleerá'l pregón col que van entmar los festexos

 

Lleguen les Fiestes d'El Bollo 2023. Tres díes de confraternización, cultura y música, parte fundamental del alma d'Avilés cola presentación primero, el día 1 d'abril, de la Xana, la Xanina y les Dames d'Honor, y que se van celebrar el 8, 9 y 10 d'abril, sábadu, domingu y llunes de Pascua.   

                       
        

 

Presentáronles la conceyala de Cultura y Promoción de Ciudá, Yolanda Alonso y Nuria Delmiro, conceyala de Deportes, acompañaes por César Martínez Coto, vicepresidente de l'Agrupación Polifónica Centru Asturianu, el secretariu Felipe Arabia y ún de los sos vocales, Luis Junquera, amás de Che Fernández, autora del cartel d'esta edición.

Alonso destacó cómo "estes fiestes, xuníes mui de cerca a la nuestra identidá, xunen tradición y vanguardia, manteniendo l'espíritu d'acoyida que se puede ver na Comida na Cai, y nes que tamién se puede ver l'asturianía nos conciertos programaos".   

Alonso agradeció a toles persones que taben ellí la so presencia n'Avilés, como al productor audiovisual José Velasco, que ñació n'Avilés y ta mui reconocíu por tar dirixendo'l grupu independiente iZen que traviesa les fronteres españoles. responsable de producciones como "El Cid" p'Amazon Originals; "Insiders", pa Netflix, o clásicos como "Gran Hermano" o "Inocente Inocente", vuelve a la so casa, y va llleer el pregón col que van entamar les fiestes, dende la plaza España, garrando'l relevu de l'actriz Rossy de Palma.  

Alonso fizo alcordanza del camín que siguiere hasta agora Velasco, "vivió de pequeñu n'Avilés. El pá y la ma vinieron de Llangréu nos años sesenta, cuando taba xurdiendo una clase trabayadora gracies a Ensidesa, y tuvieron comercios mui recordaos na ciudá como Establecimientos Velasco, en Ruiz Gómez, y Muebles Velasco, en San Bernardo".

Un brinde pa dar el pregón pa entamar les fiestes de la primavera con un sentíu claru, como resaltó la conceyala: "Creemos que ye mui importante facer un homenaxe a les persones qu'en saliendo d'equí, d'esi Avilés industrial, obreru, d'esi Avilés qu'espoxigaba, d'esi Avilés con suaños, desenvolvieron una carrera profesional y empresarial mui importante".

Agradeció tamién Alonso a los músicos José Manuel Tejedor, Anabel Santiago y Bras Rodrigo, que pondrán banda sonora a les tardes y les nueches, y a la creadora del cartel d'esta edición y el so guiñu a la Comida na Cai, y a l'artista avilesina Che Fernández, profesora de grabáu de la Factoría Cultural.

PROGRAMA DE FIESTES “EL BOLLO” 2023

SÁBADU, 1 D'ABRIL

  • 18.00 hores. ACTU DE PRESENTACIÓN DE LA XANA, LA XANINA Y DAMES D'HONOR "EL BOLLO 2023". Sedrá la presentación oficial de les representantes de la nuestra fiesta, cola correspondiente imposición de la banda acreditativa de la so condición.

      Actuará: Héctor Braga (harpa céltica)

      Sitiu: Salón de Receiciones de la Casa Conceyu (Plaza España)

SÁBADU 08 D'ABRIL

  • 12.00 a 20.00 hores. XII FERIA D'ALFARERÍA TRADICIONAL VILLA D'AVILÉS (FATVA 2023)

      Sitiu: Plaza Domingo Álvarez Acebal

  • 23.30 hores. Verbena de "El Bollo". Animada pola gran orquesta CAPITOL

      Sitiu: Pista de la Esposición (Les Meanes)

DOMINGU 09 D'ABRIL

  • 10.30 hores. REPARTU DEL BOLLU Y EL VINU.

      Sitiu: Plaza de Domingo Álvarez Acebal (entrada atriu de San Nicolás)

  • 12.00 a 20.00 hores. XII FERIA D'ALFARERÍA TRADICIONAL VILLA D'AVILÉS (FATVA 2023)

      Sitiu: Plaza de Domingo Álvarez Acebal

  • 12.00 hores. PREGÓN DE LES FIESTES A CARGU DE... Y dempués  una descarga cola qu'entama la fiesta.

      Sitiu: Plaza  España

  • 12.30 hores. DESFILE DE CARROCES, XARRÉS Y CARROS ADORNAOS

      Percorríu: cai San Francisco, plaza España, La Cámara, José Cueto, terminando nel cruce con Eduardo Carreño.

  • 19.00 hores. ANABEL SANTIAGO EN CONCIERTU

      Sitiu: Plaza España

  • 20.00 hores. XXX ALCUENTRU CORAL D'HABANERES. Actuarán:

      - Coral Polifónica IES Pintor Luis Sáez (Burgos)

      - Rondalla al Sejo (Cantabria)

      - Orfeón de Castrillón (AsturiEs)

      - Rondalla Club de Campo (Ferrol)

      Sitiu: Auditoriu Casa la Cultura

  • 21.30 hores. JOSÉ MANUEL TEJEDOR EN CONCIERTU. Fadrá un repasu de los sos temes más conocíos y del so últimu álbum, entituláu LLUZ.

      Sitiu: Plaza  España

LLUNES 10 D'ABRIL

  • 11.00 a 20.00 hores. XII FERIA D'ALFARERÍA TRADICIONAL VILLA D'AVILÉS (FATVA 2023).

      Sitiu: Domingo Álvarez Acebal

  • 14.00 hores. XXX COMIDA NA CAI. Con animación musical de sobremesa en Plaza Hermanos Orbón, a cargu de Tere Rojo y Charly Blanco; plaza Carlos Lobo, con Costa Norte; plaza El Carbayo, con La Campanera Furgo-party
  • 18.00 hores. DESFILE DE CARROCES, XARRÉS Y CARROS ADORNAOS. Percorríu: calle José Cueto,  plaza de La Merced, La Cámara, Dr. Graíño, Fernández Balsera, terminando nel cruce de Severo Ochoa con avenida de Cervantes
  • 19.00 hores. CONCIERTU FOLK DE BRAS RODRIGO. Cola música de "Imperio Celta", últimu trabayu discográficu del gaiteru candasín

      Sitiu: Plaza  España

  • 20.00 hores. XXX ALCUENTRU CORAL D'HABANERES. Actuarán:

      - Coru Mixtu San Pedro (Cuideiru)

      - Coru de Muyeres San Esteban de Les Cruces (Uviéu)

      - La Rechalda (Avilés)

      - Agrupación Polifónica Centru Asturianu (Avilés)

      Sitiu: Auditoriu Casa la Cultura.

EVENTOS DEPORTIVOS EL BOLLO 2023

Troféu de Natación “Avilés”

Organiza: Club Natación Avilés

Fecha: 1 d'abril. 10:30 y 17 hores

Sitiu: Piscina del Complexu Deportivu Avilés

Tornéu d'Axedrez d'El Bollo

Organiza: Grupu Empresa Ensidesa d'Axedrez

Fecha: 4 d'abril. 17:30 hores

Sitiu: Sala d'Axedrez Complexu Deportivu La Madalena

Stage Yudu Olímpicos

Organiza: Club Oscar Fernández

Fecha: Del 7 al 9 d'abril

Sitiu: Complexu Deportivu Avilés

"Pequeños Héroes" Evento Aquatico Solidario

Organiza: Club Aquatico Avilés

Fecha: 8 de abril. 16 horas

Lugar: Piscina del Complejo Deportivo La Magdalena

Tornéu de Balonmano Cadete Femenín El Bollo

Organiza: Asociación Atlética Avilesina

Fecha: 8 d'abril

Sitiu: Complexu Deportivu La Madalena

Troféu de Skate “El Bollo

Organiza: Fundación Deportiva del Conceyu d'Avilés

Fecha: 8 d'abril. 12:30 hores

Sitiu: Skatepark Complexu Deportivu La Madalena

Rallye Xubida a La Plata

Organiza: Tuñés Competición

Fecha: 8 y 9 d'abril

Llegada: El Caliero

Milla Urbana d'Avilés

Organiza: Asociación Atlética Avilesina

Fecha: 9 d'abril. 16 hores

Sitiu: Centru Urbanu d'Avilés

Campeonatu d'España de Duatlón de Contrarrelá por Equipos y de Relevos

Organiza: Federación Española de Triatlón

Fecha: 15 y 16 d'abril

Sitiu: Plaza  España

 

  • Fiestas y Festejos

También te puede interesar...