Contacto

La Biblioteca de La Carriona acueye el vienres 20 de mayu, de 18:00 a 19:30 hores la primera de les tres sesiones programaes pola Estaya de la Llingua d'Avilés en collaboración cola Fundación Municipal de Cultura del taller de manualidaes que lleva'l  títulu de  "Monstruos marinos". 

Nesta ocasión, los y les participantes conocerán y fadrán dalgún monstruu marín que dempués van poder llevar pa casa.

L'actividá va guiala Rosa Cuervo, educadora infantil de l'Asociación Aladanza y que se va repetir dos veces más nos meses de mayu y xunu: el vienres 27 na Biblioteca de Los Canapés (Versalles) y el vienres 3 de xunu na Biblioteca de la Xungarosa/El Barrio de La Luz.

Ufiértense 15 places pa cada centru, que tendrán de reservase apuntándose enantes de baldre na propia bilbioteca na que se vaya facer el taller, o mandando un whatsApp al númberu 634 821 613, o un corréu electrónicu a la direición: estayallingua@aviles.es.