Festivals and Celebrations
El Marcelo Gago gana'l "I Concursu de Ramos de Navidá na escuela"
22 dic. 2022
Por ser el más ellaboráu y usar elementos propios. El premiu sedrá un cuentacuentos especial que se va facer nel mesmu centru pa la so comunidá escolar


 

El colexu Marcelo Gago ye'l ganador de la primer edición del "Concursu de Ramos de Navidá na escuela" que covoca la Estaya de la Llingua de la Conceyalía de Cultura y na que participó l'alumnáu de los centros educativos públicos de la ciudá que pudieron asoleyar el so arte pa decorar y la orixinalidá pa llevar a la práutica un vezu enforma enraigonáu nes tradiciones navidiegues. Nesti casu participaron 7 escueles de la ciudá ( La toba, Llaranes, La Carriona, Enrique Alonso, Marcelo Gago, Villalegre y Palalcio Valdés).

Según l'acta del xuráu, el Marcelo Gago algamó'l primer premiu por considerar que'l so ramu de navidá ye'l "más ellaboráu" y por amosar "elementos propios del ramu d'esta epoca del añu". Na so composición, amás de llazos y dellos elementos decorativos, tán presentes les mazanes, les nueces, les castañes, les panoyes, les rosquielles y otros elementos, asina como una amuesa de vexetación típicamente asturiana y guiños a l'artesanía de los paxos.   

El xuráu d'esti "I Concursu de Ramos de Navidá na escuela" tuvo formáu por Verónica Fueyo Alcedo, historiadora y esperta en cultura tradicional asturiana; Rosa Cuervo Jiménez, educadora infantil perteneciente a l'asociación Aladanza  Educación y Tradición; Lilián Suárez Casielles, miembru del Conceyu de Cultura Tradicional Vezos Astures; actuando como secretaria ensin voz nin votu, Montserrat Machicado Compañy, responsable de la Estaya de la Llingua.

El premiu consistirá en facer un cuentacuentos pa l'alumnáu dientro'l mesmu centru escolar Marcelo Gago.

  • Fiestas y Festejos

También te puede interesar...