Contacto

L'actividá de la Estaya de la Llingua nun paró col confinamientu. El serviciu pa la normalización y l'espoxigue de la llingua asturiana dende la conceyalía de Cultura d'Avilés,  usó toles posibilidaes qu'ufre Internet y les redes sociales pa ufiertar actividaes prestoses y variaes, destacando sobre too les dedicaes a neños y neñes, con un total de 34.016 espectadores.

Programáronse 15 propuestes, axuntaes nos ciclos "La reciella en casa: La cuarentena presta”, y “Pa que nun t’aburras: Cocina, Visita y Caleyavilés”. Púdose asina disfrutar  de cuantacuentos, música, talleres de cómic, de ropa, d'escritura, guiaos por creadores de renome n'Asturies, como Miguel Solís, Ruma Barbero, David Varela, Ana Morán o Susana Sela.

Tamién  tuvieron munchu impactu les visites virtuales per dalgunos de los sitios más emblemáticos d'Avilés. Too, peles redes sociales del Conceyu d'Avilés y de la plataforma pal espardimientud de la llingua y cultura asturianes PlayPresta.

Precisamente'l vidiu que llevaba a los y les espectadores de paséu pel antiguu barriu marineru de Sabugo foi'l que más visites tuvo, un total de 7.420, 7.010 en Facebook y 410 en Youtube. Dempués ta l'actuación del músicu y divulgador David Varela, con un total de 3.763 visites, 2.150 en Facebook, 1.132 en Youtube y 465 n'Instagram.

Visitas totales en cada actividad: