Avilés celebra un añu más el "Día de la Llingua materna", que se festexa en tol mundu'l 21 de febreru a iniciativa de la UNESCO. Failo promocionando l'asturianu onde tán los y les falantes más piquiñinos y piquiñines, nes Escueles de 0 a 3 años de  la ciudá, con una sesión de cuentos musicales protagonizaos pola actriz Ana Morán y el músicu David Varela.

L'espectáculu de bebecuentos entitúlase "¿Ónde tas?", y la programación de les sesiones ye ésta:

• 19 de febreru a les 10.00 hores. Escuela infantil 0-3 años La Toba 
• 19 de febreru a les 11.15 hores. Escuela Infantil 0-3 años El Quirinal 
• 20 de febreru a les 10.00 hores. Escuela Infantil 0-3 años La Madalena