Contacto

Cova Cobos, Ana Solís, Carmen Gloria y Carlos Alba.

El Centru Sociocultural Los Canapés acueye el vienres que vien, día 19 a les 19:00 hores, con entrada llibre y de baldre hasta completar aforu, la representación de la obra de teatru p' adultos n'asturianu Perendi, dientro'l Ciclu Autores nel camín, el programa cultural asturianu qu'avera a ganadores de premios lliterarios y artísticos en llingua asturiana a la ciudadanía, especialmente a la mocedá, con alcuentros, talleres y recitales, puxando pola cultura llariega y l'usu de la llingua.

Perendi  ye'l títulu d'una obra de Milio Rodríguez Cueto, resultáu de l'adauitación de los sos propios rellatos publicaos nos periódicos. La obra presentóla güei pela  mañana na Casa Conceyu la conceyala de Normalización Llingüística, Ana Solís, que tuvo acompañada pol actor y direutor Carlos Alba.

Ye una  obra ganadora de premios importantes como'l Premiu Nel Amaro de teatru (2024) y premios Oh (2025) a meyor autoría y interpretación.

Ana Solís destacó que "ye la primer vez que La Estaya de la Llingua trae una obra de teatru d'esti ciclu.  Ye un cambiu d'estratexa, programemos otres actividaees, pero nunca teatru nesti cilu, ye una apuesta de la conceyalía qu'espero que-y preste al públicu".

Pel so llau, Carlos Alba, recordó que se trata de "una obra divertidísima", qu'amás de ganar premios tuvo munchu ésitu, "ye la obra más premiada na temporada 2024-2025", una xira per toa Asturies y tamién per España. L'actor (ganó'l premiu al meyor intérprete masculín de los premios Oh 2025 con 'Perendi) y como direutor afalagó al autor, Milio Rodríguez Cueto, por escribir con "un humor mui guapu" que llega a tola xente. 

Les actrices Carmen Gloria y Cova Cobos, que tamién tuvieron na presentación de la obra convidaron a tol públicu a dir mañana al Centru Sociocultural de Los Canapés pa disfrutar d'un momentu mui prestosu con esta comedia que s'alluga n'Asturies, pero que puede paar en cualquier sitiu.

La producción y montaxe escénicu ta a cargu de la compañía asturiana "La Compañía del Alba", col actor Carlos Alba y  la collaboración artística de Nacho Suárez y Lidia Otón. 

Perendi ye'l pueblu de Marina, un sitiu del qu quier fuxir. Nagua por vivir otres esperiencies propies de la mocedá y suspira pol brillu del gran mundu y un futuru idealizáu llaráu d'ésitos profesionales. Toos estos suaños van da-y fuerza pa dexar el pueblu nel que ñació.

Pero enantes, Marina tien que buscar, xusto en Perendi, la materia pal trabayu d'investigación que-y dea la posibilidá d'algamar una plaza d'investigadora na Universidá de Wisconsin. La obra pictórica d'un artista siriu mui estrambóticu que ye emigrante nel conceyu, y que tiene el don de la profecía pictórica adivinando muertes y catástrofes.