Contacto

Escolines y escolinos de 7 escueles d'Avilés -los CEIP Palacio Valdés, La Toba, Enrique Alonso, Llaranes, El Quirinal, Villalegre y Poeta Juan Ochoa- van averase nes siguientes  selmanes al patrimoniu cultural asturianu visitando L'Aula Didáutica de Cultura Popular Asturiana. Ta na plaza Mayor de Llaranes, y ye un espaciu cultural y etnográficu puesto en marcha en 2013 pola asociación Escontra'l Raigañu, gracies a que'l Conceyu d'Avilés y cedió un llocal.

El conceyal de Normalización Llingüística, David García, y la responsable de la Estaya de la Llingua d'Avilés, Montserrat Machicado, presentaron esti martes el programa d'actividaes d'espardimientu que se van llevar a cabu nesti espaciu, pal alumnáu de 3º y 4º de Primaria. Sedrán un total de seis sesiones, los díes 29 de febreru y 1, 6, 8, 13 y 21 de marzu, n'horariu de 9:30 a 13:15 hores.

Estes visites, va guiales Felicia Prieto, Rosa Cuervo y David Varela, integrantes d' Escontra'l Raigañu y conocedores defechu de la cultura tradicional asturiana. Asinamesmo, cada grupu tendrá como muncho 50 participantes y tará acompañáu polo menos de cuatro tutores o responsables del centru educativu del que vienen.

La dinámica de las visites pel Aula Didáutica de Cultura Popular Asturianaentamará cola división del alumnaáu en dos grupos como muncho de 25 integrantes caún, que que va acompañáu en cada casu por dos docentes. La visita tendrá en tolos casos esta estructura:

• 9:30 a 10:30 h. Mientres un grupu visita la sala d'usos múltiples del Llocal d'Asociaciones municipal pa vivir de la mano d'un músicu una sesión dedicada a los instrumentos y música tradicional, l'otru grupu dividiráse en dos pa, dientro de L'Aula Didáutica, dir pasando por turnos pel:
  • Espaciu Espositivu, pa participar nuna visita teatralizada sobre los conteníos de la esposición "Formes de vistir, maneres de vivir”.
  • pela Sala Taller, onde participarán en xuegos didáuticos y actividaes al rodiu de la ropa tradicional, los sos nomes, colores y formes de colocase.
• 10:45 a 11:45 h. Los grupos d'enantes intercambiaránse nes actividaes que yá tán feches.
• 11:45 a 12:15 h. Posa pa comer el pinchu na plaza Mayor de Llaranes.
• 12:15 a 13:15 h. Tamién nesta plaza, tol alumnáu participa nun taller de baille y danza, nel que deprenderán a interpretar bailles como la xirandiya "Los Capuchinos" (Cuideiru/Cudillero); el baille-xuegu “Os Cachetíus” (Illano/Eîlao); o les dances de Santa Ana (Llanes) o Las Tabiernas (Tineo/Tinéu).

El calendariu de visites escolares programaes ye esti:

• 29 de febreru:
  • CEIP Palacio Valdés: 31 escolines y esolinos de 3º de Primaria
  • CEIP La Toba: 14 escolines y escolinos de 4º de Primaria
• 1 de marzu :
  • CEIP Enrique Alonso: 49 escolines y esolinos de 3º de Primaria
• 8 de marzu:
  • CEIP El Quirinal: 29 escolines y escolinos de 3º de Primaria
  • CEIP Llaranes: 27 escolines y escolinos de 3º y 4º de Primaria   
• 6 de marzu:
  • CEIP El Quirinal: 46 escolines y esolinos de 3º de Primaria
• 13 de marzu:
  • CEIP Villalegre: 40 escolines y escolinos de 4º de Primaria
• 21 de marzu:
  • CEIP Poeta Juan Ochoa: 9 escolines y escolinos de 3º y 24 de 4º de Primaria
  • CEIP La Toba: 11 escolines y esolinos de 3º de Primaria

L'Aula Didáutica de Cultura Popular Asturiana es una apuesta de la asociación Escontra'l Raigañu, entidad constituida en 1982 para la recuperación, conservación y divulgación de una parte importante del patrimonio cultural asturiano. Durante estos años, la asociación ha trabajado, en diferentes concejos de Asturias, en la recopilación de material para la realización de estudios y trabajos de la mano de colectivos y personas expertas en diferentes disciplinas, como la antropología, la etnomusicología o la historia. Todo ello de una forma activa y participativa, huyendo de los tópicos asociados a la cultura tradicional asturiana.