Contacto

El conceyal David García nel stand na Feria de Muestres

La conceyalía de Normalización Llingüística del Conceyu d'Avilés enanchará la so actividá na segunda metá del añu. El conceyal del aria, David García, presentó esti sábadu, nel marcu de la 67ª Feria Intenacional de Muestres d'Asturies, la programación prevista pa los meses que vienen darréu. Fízolo nel stand conxuntu del Conceyu y l'Autoridá Portuaria, coincidiendo col Día de la Llingua Asturiana.

Setiembre entamará cola VI Parada de la Xira pola Oficialidá, que va ser del llunes 2 al vienres 6 nel Palaciu de Valdecarzana, organizada por Iniciativa pol Asturianu y la Fundación Almastur. El programa tien esposiciones, charres, proyeiciones reivindicatives de la oficilidá de la llingua asturiana, asina como temes referentes a Avilés, al so Fueru, la so toponimia o la so lliteratura n'asturianu. toles actividaes entamarán a les 19:00 hores y sedrán de baldre, hasta completar aforu.

Tamién en setiembre, el martes 3, arranca'l cursu de nivel básicu d'asturianu,que ye de balfre, ufiertáu pola iniciativa Falamos de la Federación Asturiana de Conceyos (FACC). Sedrá de 16:30 a 19:00 hores nel Palaciu de Valdecarzana, con 20 places y apuntase ye de baldre en www.falamos.info.

El vienres 6 fadráse la última de les visites guiaes del ciclu CaleyAvilés, que nesti casu va ser al barriu de Llaranes. Sedrá a les 19 hores, hai 25 places y p'apuntase puede facese llamando al 985 545 508, mandando un corréu electrónicu a estayallingua@aviles.es o con un WhatsApp al númberu 634 821 613. La visita ye de baldre.

N'ochobre los protagonistes sedrá los Talleres Infantiles de Creatividá nos centros culturales d'avilés. Va dalos rosa Cuervo de l'Asociación Aladanza, pa neños y neñes de 4 a 8 años, pa deprender coses rellacionaes cola cultura, la tradición y la historia d'Asturies, trabayando con lateriales diferentes: piñes, barru, maíz, etc. Hai 15 places y entamen a les 18:00 hores, los díes 4 (en La Carriona), 18 (en Los Canapés) y 25 (en La Xungarosa/El barrio de La Luz).

Tamién n'ochobre haio tres alcuentros con escolares dientro'l ciclu Autores nel Camín. El del día 2 tará protagonizáu por Xon de la Campa, Premiu de Cómic Alfonso Iglesias. El día 16 sedrá'l turnu de Beatriz Quintana, Premiu de Narrativa Moza Enriqueta González Rubín, y pondrá'l ramu'l día 30 Héctor Braga, Premiu d'Ensayu Máximo Fuertes Acevedo.

Completa la programación d'ochobre un nuevu cursu d'asturianu, esta vez de nivel intermediu, ufiertáu pola iniciativa Falamos de la Federación Asturiana de Conceyos (FACC). Sedrá de 16:30 a 19:00 hores nel Palaciu de Valdecarzana, con un llímite de 20 places y inscripciones de baldre en www.falamos.info.

Los Talleres Infantiles de Creatividá volverán en payares a los centros culturales, nestes feches y sitios: el día 8 en La Xungarosa/El barrio de La Luz, el día 15 en Los Canapés, y el día 22 en La Carriona, onde amás el día 29 entamará'l  tercer turnu de rotación d'estos talleres pelos diferentes centros culturales de los barrios, que se completará yá n'avientu los díes 13 (en La Xungarosa/El barrio de La Luz) y 20 (en Los Canapés).

Tamién dientro  la programación d'avientu nun podía faltar a la so cita la Folixa de Navidá, que se desarrollará'l día 13, dende les 10:30 hores nel Auditoriu de la Casa la Cultura, cola collaboración de los centros educativos d'Avilés y l'envís de recuperar y fomentar les tradiciones asturianes d'eses feches, como la d'El Nataliegu, y otres yá non tradicionales pero sí populares como L'Anguleru.

Pesllará l'añu la XVI edición del Premiu de Rellatu Curtiu L'Horru d'El Carbayedo.

Conceyalia de Normalización Llinguística - Programación seronda - iviernu

SETIEMBRE

Selmana del 2 al 6: VI PARADA XIRA POLA OFICIALIDÁ

Una selmana d'esposición, charres y proyeiciones sobre la oficilidá de la llingua asturiana y temes referentes al Conceyu d'Avilés: El Fueru, la toponimia o la lliteratura nel Conceyu.

¿Ónde? Palaciu de Valdecarzana

¿Cuándo? 19:00 hores

Entrada de baldre hasta completar aforu.

Día 3: Cursu d'asturianu nivel básicu. Ye de baldre. 

P'apuntase en: Falamos.info

Día 6, dientro del ciclu Calyavilés última visita guiada d'esti ciclu al barriu de Llaranes.

Puntu d'alcuentru: plaza mayor de Llaranes

Hora:19:00

La visita ye de baldre. Places:25

OCHOBRE

Talleres infantiles de creatividá, a cargu de Rosa Cuervo de l'asociación Aladanza.

Pa neños y neñes de 4 a 8 años.

Con materiales diferentes: piñes, barru, maíz, etc vamos trabayando diferentes temes de la cultura, la tradición y la historia d'Asturies.

Fáense nos tres Centros Culturales de la ciudá.

Día 4: La Carriona

Día 18: Los Canapés

Día 25: La Xungarosa/El barrio de La Luz

Hora: 18:00

Places: 15

Día 29: Cursu d'asturianu nivel mediu. Ye de baldre. 

P'apuntase en : Falamos.info

Ciclu Autores nel Camín

Los y les autores ganadores de los premios que concede'l Principáu d'Asturies d'ensayu, novela, cómic, traducción, lliteratura infantil y moza y poesía van pelos disitintos conceyos. N'Avilés son alcuentros col alumnáu de dalgunos de los centros educativos del Conceyuque quieran participar.

Día 2: Xon de la Campa, Premiu de Cómic Alfonso Iglesias

Día 16: Beatriz Quintana, Premiu de Narrativa Moza Enriqueta González Rubín

Día 30: Héctor Braga, Premiu d'Ensayu Máximo Fuertes Acevedo

PAYARES

Talleres infantiles de creatividá, a cargu de Rosa Cuervo de l'Asociación Aladanza.

Pa neños y neñes de 4 a 8 años.

Día 8: La Xungarosa/El barrio de La Luz

Día 15: Los Canapés

Día 22: La Carriona

Día 29: La Carriona (Cambiando la temática del taller y entamando'l tercer grupu de talleres)

AVIENTU

Día 13: VII Folixa de Navidá, en collaboración colos centros educativos de la ciudá, dedícase esi día a recuperar y puxar poles tradiciones asturianes nestes feches navidiegues, como El Nataliegu o tamién otres yá non  tradicionales, pero sí populares como L'Anguleru.

Hora: 10:30

Sitiu: Auditoriu de la Casa la Cultura

Talleres infantiles de creatividá, a cargu de Rosa Cuervo de l'Asociación Aladanza.

Pa neños y neñes de 4 a 8 años.

Día 13: La Xungarosa/El barrio de La Luz

Día 20: Los Canapés

XVI Premiu de Rellatu Curtiu L'Horru d'El Carbayedo

Concursu de Rellatu Curtiu pa persones adultes que recupera la Conceyalía de Normalización Llingüística en collaboración cola asociación avilesina El Hórreo