Contacto

Un total de 42 persones, en dos grupos, participaron n’Avilés nel Cursu Falamos d’astuiranu básicu que dio de baldre y colos materiales incluyíos la Federación Asturiana de Conceyos (FACC) en colaboración col Conceyu d’Avilés. P’atender tol interés qu’había pa ello, la organización tuvo de facer unn segundu grupu pa la semana siguiente d’arrancar el primeru. Asina y too, 45 persones quedaron en reserva n’Avilés.

Dende la FACC, la idea ye la de seguir dando los cursos d’aniciu al asturianu, lo mesmo en formato semipresencial como en rede, pero también ta en proyeutu’l diseñu de cursos de nivel intermediu pa que la xente que fixo’l d’aniciu pueda seguir formándose y dir aumentando de nivel y meyorando les sos competencias llingüístiques.

El conceyal de Normalización Llingüística, David García, fizo güei pela mañana un balance de l’actividá, destacando l’éxitu d’ella y l’interés que tienen munches persones por deprende  llingua asturiana.

El curso 'Falamos 2023' arrancó el pasáu 5 d’ochobre y terminó’l 7 d’avientu tres 30 hores daes nes que, amás de les 8 sesiones presenciales, pudo trabayase en rede nel campus virtual, ensin problemas de tiempu, onde amás de poder facer los exercicios y evaluaciones también pudieron tener vídios, archivos sonoros,  diccionariu y gramática de la llingua, y  otros materiales didáuticos.