Foto Radiadora

Resumen

Radiadora

Información

Radiadora ye la radio online del Serviciu de Mocedá del Conceyu d'Avilés, activa dende l'añu 2009. Esti proyeutu, desenvuélvese nel Edificiu Fuero, y ofrez a la mocedá  un espaciu llibre pa espresar les sos idees, esmoliciones, aficiones y creatividá per aciu  de les palabres y la música.

¿Qué ye Radiadora?

Radiadora ye un proyeutu de radio llibre, onde cualquier persona moza o grupu de xente mozo del conceyu puede:

  • Crear y grabar los sos propios podcasts o programes.
  • Afondar nes sos idees y necesidaes creatives.
  • Tener  una plataforma onde compartir les sos producciones y llegar a otres persones moces.

Ye un espaciu que puxa pola participación, la creatividá y la llibertá d'espresión, diseñáu pa que la mocedá tenga  voz y un públicu.

¿Cuándo se graben los podcasts?
  • Día de grabación: Normalmente los xueves
  • Horariu: De 17:00 a 19:00 hors
  • Sitiu: Espaciu preparaú pa ello nel Edificiu Fuero, Avilés
  • ¿Cada cuánto?: Los programes pueden grabase una vez a la selmana o cada quince díes, según la disponibilidá de la mocedá que participa y la programación.
Espardimientu y Plataformes

N'editándolos, los podcasts publíquense y compártense los vienres nestes plataformes:

  • Instagram: @radiadoraaviles
  • Spotify: Radiadora Avilés
  • Facebook: Radiadora Avilés

Amás, tolos meses se publica la parrilla de programación, para que seya más fácil identificar y acceder a los podcasts.

Talleres y participación moza

Radiadora tamién ufre:

  • Los talleres que se vea que se necesiten: p'asociaciones moces y institutos de la comarca.
  • Espacios p'afondar nes idees: dándo-yos a grupos de xente mozo la oportunidá de facer medrar la so creatividadá  nun entornu seguru y estimulante.
¿Cómo contautar?

Si tas interesáu/ada en participar o tienes dalguna entruga, puedes ponete en contautu a través de:

¡Anímate a formar parte de Radiadora y comparte la to creatividá cola mocedá d'Avilés!

 

 

< Volver

Últimas noticias