Contacto

Casa la Cultura
Arquiteutónicamente tien un diseñu vanguardista destacáu con dos fachaes espléndides, mui distinta una de la otra. Per dientro destaca la solución que se dio pa conectar un espaciu con otru y la claridá de dientro. El Conceyu decidió na década de los ochenta del sieglu XX, fcer una Casa de Cultura nueva qu'atendiere la demanda cultural de la sociedá avilesina. Pa ello convocó un concursu públicu d'anteproyeutos que ganaron los arquiteutos José Luis Arana y María Aroca. 
De la filosofía del proyeutu ganador destaca que l'edificiu fuere un puntu de xunión nel centru la ciudá col parque Ferrera, aprovechando asina'l tráficu peatonal pa poder esparder más la ufierta cultural. Na entrada, los paneles de cristal afayen la comunicación, pola tresparencia qu'hai ente esti espaciu y el primer pisu onde l'aprovechamientu de la lluz natural ye importante. 

La entrada principal da pa la plaza Domingo Álvarez Acebal, n'armonía col entornu: la piedra cenciello de la fachada, de la que sobresalen miradores mui modernos, tan carauterísticos de l'arquiteutura de la zona cantábrica. Per otru llau, la fachada que da pal  parque Ferrera ye más vanguardista y realmente impactante. 

L'edificiu, con unos 5.000 m2 de superficie, tien un serviciu de préstamu de llibros, sales d'estudiu y sales de llectura pa persones adultes y pa infantil. Tamién hai un auditoriu con 677 places, sala de conferencies con 107 places, sala d'esposiciones y sala d'aconceyamientos. 

Horariu
Llunes a Sábados:  9:00 a 14:00h / 16:00 a 21:00h
Domingos y festivos:  9:00 a 14:00

ContautuTeléfonu: 985 510 439

Señes
Casa la Cultura d'Avilés
Plaza Domingo Álvarez Acebal, 2
33402 Avilés